Memlekettik materıaldyq rezervten sý basqan óńirlerge qandaı kómek bólindi

<p>ASTANA. KAZINFORM &ndash; Tótenshe jaǵdaılar mınıstrligi sý tasqynynan zardap shekken óńirlerge Memlekettik materıaldyq rezervten qandaı kómek bólingenin málimdedi.&nbsp;</p>

«TJM-niń qupııaǵa jatatyn málimetter tizilimine sáıkes, tótenshe jaǵdaılardyń, olardyń saldarynyń aldyn alý jáne joıýǵa arnalǵan Memlekettik materıaldyq rezervtegi materıaldyq qundylyqtardyń nomenkýlatýrasy men saqtaý kólemi taratylýy shektelgen aqparat sanalady. Osyǵan oraı memlekettik rezervtegi taýarlardyń ataýy men sanyn usyný múmkin emes», - dep atap ótedi vedomstvodan agenttiktiń resmı saýalyna oraı.

Sonymen qatar mınıstrlik sý tasqynynan zardap shekken óńirlerge atalǵan rezervten qandaı kómek berilgenine qatysty aqparatty usyndy. 

«Tótenshe jaǵdaılar mınıstrliginiń buıryǵyna sáıkes, Aqmola, Qostanaı jáne Batys Qazaqstan oblystaryndaǵy tótenshe jaǵdaıdyń saldaryn joıý úshin Memlekettik materıaldyq rezervten arnaýly jáne avtomobıl tehnıkalary (vahtalyq avtomobıl – 1, býldozer – 2, avtobýs – 1, balshyq pompasy (tirkemeli) – 4, avtotsısterna – 2, ekskavator, tartqyshy bar treıler, avtosamosval, ishteı janatyn qozǵaltqyshy bar dánekerleý agregaty) jáne tósek-oryn jabdyǵy (tósek – 200, matrats – 200, jastyq – 200, odeıalo – 200, jastyq qap – 200, jaıma) bólindi. Tótenshe jaǵdaılar mınıstrligi jergilik atqarýshy organdardan ótinish túsýine oraı memlekettik materıaldyq rezervten tótenshe jaǵdaılardy jáne olardyń saldaryn joıý úshin qajetti materıaldyq qundylyqtardy bosatatyn bolady», - dedi TJM-nen.