Memlekettik marapat jaýapkershilikti eseleı túsedi – Ulttyq ulan jaýyngeri

<p>ORAL. KAZINFORM &ndash; Aqordada elimizde bolǵan sý tasqyny kezinde belsene atsalysqan azamattardy saltanatty túrde marapattaý rásimine qatysqandardyń biri &ndash; QR Ulttyq ulany &laquo;Batys&raquo; óńirlik qolbasshylyǵyna qarasty 5517-áskerı bóliminiń áskerı qyzmetshisi, efreıtor Nurbol Asqap.</p>

Prezıdent Qasym-Jomart Toqaev batysqazaqstandyq áskerı qyzmetshini «Jaýyngerlik eńbegi úshin» medalimen marapattady.

Nurbol Asqap Memleket basshysynyń qolynan osyndaı joǵary marapat alý úlken mártebe ekendigin aıtty.

«El Prezıdenti keýdeme osy medaldi taqqan sátte tula boıymdy maqtanysh pen qýanysh sezimi terbep, ózime ózim sene almadym. Árıne, ol sáttegi tolǵanysty sózben aıtyp jetkizý múmkin emes. Sol sátte meniń túsingenim, maǵan artylǵan jaýapkershiliktiń eselene túskenin sezindim. Bul medal men úshin óte ystyq. Sebebi, Qazaqstan Respýblıkasynyń Ulttyq ulany qataryndaǵy qyzmet barysynda ıe bolǵan alǵashqy medalimniń orny erekshe», dedi Nurbol Asqap.

Foto: keıipkerdiń jeke arhıvinen

Ulttyq ulan jaýyngeri bıylǵy 21 sáýirde Oraldaǵy saıajaı aýmaǵynda tasqyn sýmen aǵyp bara jatqan er adamdy qutqaryp qalýǵa qatysqan edi.

Eske sala keteıik, budan buryn Oral qalasynda er adamnyń tasqyn sýmen aǵyp kete jazdaǵanyn jazǵan bolatynbyz.

Sondaı-aq batysqazaqstandyq qutqarýshy Prezıdenttiń qolynan marapat alý úlken qurmet ekendigin aıtty.