Memlekettik kúzet qyzmeti sapynda merzimdi áskerı qyzmet óteýge irikteý bastalady

<p>ASTANA. KAZINFORM - 1 naýryz ben 5 sáýir aralyǵynda QR Memlekettik kúzet qyzmeti ókilderi barlyq oblys ortalyqtary men respýblıkalyq mańyzy bar qalalarda úmitkerlerdi tańdaý jáne zerdeleý júrgizedi.</p>

Úmitkerlerge kelesi talaptar qoıylady: jasy 18-27 arasynda, boıy 180 sm-den tómen emes jáne 195 sm-den joǵary emes, bilimi orta bilimnen tómen emes, densaýlyǵy jaqsy. Joǵary bilimdi, sporttyq jetistikteri men razrıady bar shaqyrylýshylarǵa basymdyq beriledi.

QR MKQ qataryna ótken shaqyrylýshylar merzimdi qyzmetin Astana jáne Almaty qalalaryndaǵy 0112 jáne 0111 áskerı bólimderinde atqarady.

QR Memlekettik kúzet qyzmeti qatarynda merzimdi qyzmet sarbazdary Qazaqstan Respýblıkasy Prezıdentiniń jáne basqa da kúzetiletin adamdardyń qaýipsizdigin qorǵaý, rásimdik jáne protokoldyq is-sharalarǵa qatysý, QR Memlekettik Týy men QR Memlekettik Eltańbasy etalondaryn kúzetý sekildi aıryqsha mindetterdi atqarady.

QR MKQ áskerı bólimderinde merzimdi qyzmet atqarý barysynda jas sarbazdar tájirıbeli nusqaýshylyq quramnyń jetekshiligimen áskerı iske úırenedi, jaýyngerlik jáne arnaıy daıarlyq sabaqtarynda áskerı mamandyqtardy meńgeredi.

KR MKQ merzimdi qyzmet sarbazdarynyń ári qaraı kadrlyq turǵydan ósýge múmkindigi bar. Merzimdi qyzmet aıaqtalǵan soń olar óz qalaýy boıynsha kelisimshart boıynsha áskerı qyzmetti jalǵastyra alady, odan ári arnaýly memlekettik organnyń qyzmetkeri jáne ofıtseri bolyp, kúzetiletin adamdar men obektilerdiń qaýipsizdigin qamtamasyz etý boıynsha mindetterdi atqara alady.
QR MKQ merzimdi qyzmet sarbazdary úshin Qazaqstan Respýblıkasynda merzimdi áskerı qyzmet atqarǵan azamattardy áleýmettik qoldaý boıynsha belgilengen barlyq jeńildikter qoldanylady.

Barlyq qosymsha suraqtar boıynsha [phone] telefon nómiri boıynsha habarlasýǵa bolady.