Memlekettik kitaphanalardyń qoryn bir jerden tsıfrlandyrý kerek - Raýan Kenjehanuly

<p>PDF nusqany elektrondy kitaphanadan oqý óte kúrdeli. Bul týraly búgin Parlament Májilisinde qazaq tilindegi kórkem ádebıettiń baspa ındýstrııasyn damytý taqyrybyndaǵy jıynda Halyqaralyq &laquo;Qazaq tili&raquo; qoǵamdyq birlestiginiń prezıdenti Raýan Kenjehanuly aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Bul taqyryp biz úshin óte mańyzdy. Óıtkeni memlekettik tildi tıisti tuǵyryna shyǵarý, onyń qoldanys aıasyn keńeıtý sııaqty kóp jaǵdaı qazaq tilindegi mazmun men ádebıetke, oqý saýattylyǵyna kelip tireledi. Osy saladaǵy tsıfrlandyrý protsesine toqtalmaqpyn. Álemde kitap basyp, ósip jatqan baspa úıleri sonshalyqty kóp emes. Kerisinshe, olardyń taralymy azaıǵan, sebebi bul sala tsıfrlandyrýǵa ótip jatyr. Máselen, orys tilinde tsıfrly kitaptar men aýdıo kitaptardy taratatyn «Lıtres» platformasy bar. Osy «Lıtrestiń» ózi jylyna 40 mln dollardy tek jańa kitaptarǵa salyp, avtorlarǵa qalamaqy tóleıdi jáne kitaptardyń emin-erkin taralýyna jaǵdaı jasaıdy. Bul sekildi platformalar Qazaqstandy óziniń naryǵy retinde tanıdy. Olar osynda jergilikti baspalar ekenin nemese bul salada retteý talaptary qarastyrylǵanyn oılaımaıdy», - dedi R. Kenjehanuly.

Onyń paıymynsha, bul baspalar qazaqsha kontentke de kelýi múmkin. Sondyqtan elimiz osy saladaǵy múmkindikter men qaterlerge daıyn bolý kerek.

«Tsıfrlandyrý másesine toqtalsaq, elimizde ortalyq ári aımaqtyq kitaphanalarda jınaqtalǵan qordy óz betinshe tsıfrlandyryp jatyr. Osy jumysty barlyǵy qatar jasap otyr jáne bári de birdeı kitaptardy tsıfrlandyrýǵa kirisken. Osy kitaptar skanerden ótip jatyr. Biraq onyń formaty joq, onyń bári PDF-ke ótken. Al endi elektrondy kitap taratýda basqa tıimdi formattary bar. Bul formatta jasaý úshin tıisti mamandar men qarajat kerek. Ony óz betinshe kez kelgen kitaphana júzege asyra almaıdy. Osyndaı jeńil formattaǵy tsıfrlandyrý bolmaǵannan keıin, PDF nusqany elektrondy kitaphanadan oqý óte kúrdeli. Osy máseleni eskere otyryp, memlekettik kitaphanalardyń qoryn bir jerden tsıfrlandyrýdy júzege asyrǵan jón», - dedi qoǵamdyq birlestik prezıdenti.