Memlekettik qyzmetshilerge muqtajbyz: Pavlodardaǵy mekemelerde 400-den astam oryn bos tur

<p>PAVLODAR. KAZINFORM - Qazirgi ýaqytta Pavlodar oblysyndaǵy memlekettik qyzmetshilerdiń sany &ndash; 3659 adam. Al bólingen shtat sany &ndash; 4083 oryn. Memlekettik apparatta áli de 400-den astam bos jumys orny bar.</p>

Ertis-Baıan óńiriniń memlekettik apparatynda qyzmetshilerdiń jetispeýshiligi baıqalady. Barlyq 4083 jumys ornynyń 10%-y bos tur.

- Qazirgi ýaqytta memlekettik qyzmet salasynda 3659 adam eńbek etip jatyr. Óńirdegi memlekettik qyzmetshilerdiń ortasha jasy – 41,8 jas, al ortasha eńbek ótili – 12,8 jyl. Mundaı statıstıka sońǵy úsh jylda turaqty saqtalyp otyr. Memlekettik apparattaǵy shtattardyń 10%-y bos. Keıbir laýazymdar bir jyl jáne odan da kóp ýaqyt bos tur. Álgindeı vakansııalar turǵyn úı-kommýnaldyq sharýashylyǵynda, qurylys pen sáýlet jáne jer qatynastary salalarynda baıqalady,-deıdi QR Memlekettik qyzmet isteri agenttiginiń Pavlodar oblysy boıynsha departamentiniń basshysy Ashat Eskendirov.

Jergilikti memlekettik organdardaǵy áıelderdiń úlesi shamamen 70%-ǵa jetedi.

Eske sala keteıik, «Memlekettik qyzmet týraly» jańa zań jobasy daıyndalady.