Memlekettik qyzmetshiler jasandy ıntellektini arnaıy oqıdy

<p>ASTANA. KAZINFORM &ndash; Keler jyldan bastap memlekettik qyzmetshiler jasandy ıntellekt kýrsynan ótedi.</p>

- Úkimet qaýlysymen Tsıfrlyq damý, ınnovatsııalar jáne aeroǵarysh ónerkásibi mınıstrliginiń jasandy ıntellektini engizý boıynsha jumysty úılestirý jónindegi fýnktsııalaryn kúsheıtý qajet. Sondaı-aq tsıfrlandyrýǵa jaýapty vıtse-mınıstrler úshin kelesi jyly oryndalýǵa tıis naqty mindetter qoıý usynylyp otyr, - dedi premer-mınıstr Oljas Bektenov Úkimettiń kóshpeli otyrysynda.

Osylaısha, Premer-mınıstr qaýly jobalary aldyn ala ázirlenip, barlyq múddeli memlekettik organdarmen kelisilgenin aıtty.

- Tsıfrlyq damý, ınnovatsııalar jáne aeroǵarysh ónerkásibi mınıstrliginiń óńir ákimderimen birge kelesi jyly memlekettik organdardyń qyzmetshilerdi jasandy ıntellekt quraldaryna oqytý jóninde sharalar qabyldaýdy tapsyramyn. Ǵylym jáne joǵary bilim mınıstrligi jasandy ıntellekt boıynsha bilim berý baǵdarlamalary men kýrstaryn daıyndasyn, - degen tapsyrma berdi Úkimet basshysy.

Buǵan deıin Oljas Bektenov neırondyq jeliler arqyly tótenshe jaǵdaılardy boljap, aldyn alý múmkindigi týraly aıtqan edi.