Memlekettik qyzmet isteri agenttigi Almaty oblystyq departamentiniń basshysy aýysty

<p>Búgin Memlekettik qyzmet isteri agenttigi tóraǵasynyń orynbasary Salaýat Múksimov Almaty oblysy aktıvine agenttiktiń óńirlik departamentiniń basshysy, Ádep jónindegi keńes tóraǵasy laýazymyna taǵaıyndalǵan Arsen Jaqypovty tanystyrdy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform tilshisi.</a></p>

Arsen Abzaluly Jaqypov 1993 jyly dúnıege kelgen. І.Jansúgirov atyndaǵy Jetisý memlekettik ýnıversıtetin «quqyqtaný», QR Prezıdenti janyndaǵy Memlekettik basqarý akademııasyn «óńirlik damý» mamandyǵy boıynsha bitirgen. «Bolashaq» baǵdarlamasymen Iork ýnıversıtetinde (Ulybrıtanııa) bilim alǵan.

Eńbek jolyn Taldyqorǵan qalasy Sáýlet jáne qala qurylysy bóliminiń jetekshi mamany bolyp bastady. Narynqol aýyldyq okrýgi ákimi apparatynyń jetekshi mamany, Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty oblysy boıynsha departamenti memlekettik qyzmetter basqarmasynyń jetekshi mamany jáne memlekettik qyzmet salasyndaǵy baqylaý basqarmasynyń bas mamany, Aqparat jáne qoǵamdyq damý mınıstrligi qoǵamdyq-saıası jumys basqarmasynyń bas sarapshysy jáne memlekettik organdarda qoǵamdyq qatysý jáne ashyqtyq qaǵıdattaryn damytý basqarmasynyń basshysy bolyp jumys istedi.

Atalǵan laýazymǵa taǵaıyndalǵanǵa deıin QR Adam quqyqtary jónindegi ýákildiń ókili, Adam quqyqtary jónindegi ulttyq ortalyǵy Pavlodar oblysy boıynsha ókildiginiń basshysy qyzmetin atqardy.