Memlekettik qyzmet kórsetý: qandaı salaǵa shaǵym jıi túsedi

<p>Elimizde memlekettik qyzmet kórsetýde shaǵym jıi túsetin salalar ataldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a>&nbsp;</p>

«Sapasyz memlekettik qyzmet kórsetýge qatysty 629 ótinish qaraldy. Shaǵymdardyń kópshiligi memlekettik organdar boıynsha jer qatynastary, sáýlet, turǵyn úı-kommýnaldyq sharýashylyǵy, jumyspen qamtý jáne áleýmettik qamsyzdandyrý salalarynda memlekettik qyzmetterge qatysty bolyp otyr. Ótinishterdi qaraý qorytyndysy boıynsha 181 qyzmet alýshynyń quqyǵy qalpyna keltirildi. Kelip túsken árbir ótinishke egjeı-tegjeıli taldaý júrgiziledi jáne azamattardyń múddeleri men suranystaryn eskere otyryp, kórsetiletin qyzmetti berýshilerdiń jumysy men tıimdiligi baǵalanady», - dedi QR Memlekettik qyzmet isteri agenttigi tóraǵasynyń orynbasary Salaýat Múksimov Ortalyq kommýnıkatsııalar qyzmeti alańynda ótken baspasóz máslıhatynda.