Memlekettik keńesshi Qazaqstan-Reseı medıa forýmyna qatysty
Іs-sharaǵa Memlekettik keńesshi Erlan Qarın, Parlament Májilisi Tóraǵasynyń orynbasary Danııa Espaeva, Qazaqstannyń Reseıdegi Tótenshe jáne ókiletti elshisi Dáýren Abaev, Syrtqy ister mınıstriniń orynbasary Roman Vasılenko, Prezıdent teleradıokesheniniń bas dırektory Raýshan Qajybaeva jáne elimizdiń iri medıaholdıngteri men BAQ jetekshileri arnaıy bardy.
Forýmǵa RF Prezıdenti Ákimshiligi basshysynyń orynbasary, Reseı Prezıdentiniń Baspasóz hatshysy Dmıtrıı Peskov, RF Tsıfrlyq damý, baılanys jáne buqaralyq kommýnıkatsııalar mınıstriniń orynbasary Bella Cherkesova, TASS aqparat agenttiginiń bas dırektory Andreı Kondrashov, TASS aqparat agenttigi basshysynyń birinshi orynbasary Mıhaıl Gýsman, «Reseıdiń qoǵamdyq televıdenıesi» AKEU bas dırektory Vıtalıı Ignatenko, «Vechernıaıa Moskva» gazetiniń bas redaktory Aleksandr Kýprıanov jáne Reseıdiń basqa da iri buqaralyq aqparat quraldarynyń jetekshileri men ókilderi qatysty.
Erlan Qarın óz sózinde TASS aqparat agenttigin mereıtoıymen quttyqtap, atalǵan BAQ-tyń álemdegi bedeli, onyń ujymy men basshylyǵynyń kásibı biliktiligi joǵary ekenin atap ótti.
Memlekettik keńesshiniń aıtýynsha, osy medıa forým — Qazaqstan men Reseı arasyndaǵy dostyq, odaqtastyq peıildegi qarym-qatynastyń qarqyndy damyp kele jatqanynyń aıqyn dáleli.
Sondaı-aq Erlan Qarın eki el arasyndaǵy yntymaqtastyqty nyǵaıtýǵa úles qosqany úshin TASS aqparat agenttiginiń bas dırektory Andreı Kondrashovqa Qazaqstan Prezıdenti Qasym-Jomart Toqaevtyń tapsyrmasymen ІІ dárejeli «Dostyq» ordenin tabys etti.
Basqosýda taraptar buqaralyq aqparat quraldary arasynda birlesken medıa jobalardy júzege asyrý josparyn talqylap, salany damytýǵa, oǵan tsıfrly tehnologııalardy engizýge jáne basqa da ózekti máselelerge qatysty pikir almasty.
Buǵan deıin habarlaǵanymyzdaı, memlekettik keńesshi Erlan Qarın saıasılandyrýǵa bolmaıtyn, emotsııasyz, salmaqty pikiralmasý qajet taqyryptardy atady.