Memlekettik borysh 30,5 trln teńgeden asty

<p>ASTANA. KAZINFORM &ndash; 9 aıda Úkimet boryshyna qyzmet kórsetý shyǵyndaryna 1 trln 959,3 mlrd teńge jumsalǵan. Bul týraly Qarjy mınıstrliginiń memlekettik borysh pen paıyzdyq tólemder týraly dereginde aıtylǵan.</p>

Vedomstvonyń málimetine súıensek, Úkimet 2024 jyldyń 9 aıynda ishki naryqqa memlekettik baǵaly qaǵaz shyǵarý arqyly 4 trln 996,6 mlrd teńge qaryz tartqan. Al 9 aıda syrttan tartylǵan qaryz kólemi – 90,7 mlrd teńge.

Jalpy memlekettik boryshtyń kólemi 2024 jylǵy 1 qazandaǵy jaǵdaı boıynsha 30 trln 504,8 mlrd teńge bolǵan. Bul jalpy ishki óniminiń 22,6%-yna teń degen sóz. (1 qazandaǵy jaǵdaı boıynsha Qazaqstannyń jalpy ishki ónimi 134 trln 952,9 mlrd teńge bolyp belgilengen).

Memlekettik boryshtyń 94,4%-yn úkimettik borysh qurap otyr – 28 trln 784,7 mlrd teńge. Úkimetke tıesili qaryzdyń ishki boryshy – 21 trln 567,6 mlrd teńge (75%) bolsa, syrtqy boryshy – 7 trln 217 mlrd teńge (25%).

Al Ulttyq banktiń ishki naryqtan tartqan boryshy 500 mlrd teńge bolǵan.

Jergilikti ákimdikterdiń moınyndaǵy qaryz kólemi 1 trln 220,1 mlrd teńgege jetken.

Úkimet boryshynyń qysqa merzimde óteýge jatatyny – 848 mlrd teńge, ortasha merzimdisi – 3 trln 209,7 mlrd teńge, uzaq merzimdisi – 24 trln 726,9 mlrd teńge.

Jyl basynan beri Úkimet boryshyna qyzmet kórsetý shyǵyny 1 959,3 mlrd teńge bolǵan.

Aıta keteıik, Úkimet Ulttyq qor aktıvterin 100 mlrd dollarǵa ulǵaıtýdy josparlap otyr.