Memlekettik aýdıtten keıin ulttyq parkterde abattandyrý jumystary bastaldy

<p>ASTANA. KAZINFORM &ndash; Joǵary aýdıtorlyq palatanyń nusqamasyn oryndaý sheńberinde Týrızm jáne sport mınıstrligi memlekettik ulttyq tabıǵı parkterde birqatar týrıstik marshrýt men soqpaq joldy abattandyrý boıynsha jumys júrgizdi.&nbsp;</p>

Ulttyq parkterdiń máselesi «Kazakh Tourism» UK» AQ-ǵa otandyq týrızmdi ilgeriletý jónindegi mindetterdi iske asyrýǵa bólingen bıýdjet qarajatynyń paıdalanylý tıimdiligine júrgizilgen memlekettik aýdıt qorytyndysy boıynsha anyqtaldy. 

Nátıjesinde salalyq mınıstrlik ulttyq tabıǵı parkterde 139 týrıstik baǵyt pen 49 soqpaqty abattandyrý jumysyn júrgizdi. Oǵan avtoturaqtardy, shatyrly lager alańdaryn, dárethanalardy, qoqys jáshikterin jáne belgilerdi ornatý kiredi. Sonymen qatar ulttyq parkter jyl saıyn abattandyrý obektilerin jaqsartý jáne jańartý boıynsha sharalar qabyldap jatyr. Atap aıtqanda, týrısterge arnalǵan kórý alańdary, aıaldamalar jáne shatyrly lagerler ashylýda. Bılbordtar, aqparattyq stendter, soqpaqtar men marshrýttardyń syzbalary ornatylýda. Oryndyqtar, qoqys jáshikteri jáne sanıtarlyq-gıgıenalyq toraptar jańartylýda. 

Máselen, 2023 jyly BUU Damý baǵdarlamasymen birlesip Qatonqaraǵaı ulttyq parki, «Orman joldary», «Kólsaı kólderi» ulttyq parki, «Saty aýyly – Saty shatqaly», Saıram-Ógem» ulttyq parki jáne «Saıramsý kóli» jabdyqtaldy. 

Budan basqa, demeýshilik qarajat esebinen Іle-Alataý ulttyq parkinde «Kókjaılaý» týrmarshrýty jabdyqtalyp, «Kólsaı kólderi» ulttyq parkinde jaıaý jáne atpen júrý marshrýttaryn bólý jumysy júrgizildi. 

Bıyl atalǵan baǵyttaǵy jumys jalǵasyp jatyr.