Memlekettiń tabysty damýy úshin «jınaqy» memlekettik apparat qurý qajet - T. Donaqov

ASTANA. QazAqparat - Memlekettiń tabysty damýy úshin «jınaqy» memlekettik apparat qurý qajet. Bul týraly búgin Astana ekonomıkalyq forýmy aıasyndaǵy kásibı memlekettik apparat taqyrybyndaǵy sessııa jumysynda QR Memlekettik qyzmet isteri mınıstri Talǵat Donaqov málimdedi.

Sońǵy jyldary elimiz memlekettik qyzmet jáne memlekettik basqarý salasynda aýqymdy ózgeristerdi júzege asyryp jatqandyǵyna toqtalǵan mınıstr, Qazaqstan Prezıdenti bastamashylyq etken bes ınstıtýtsıonaldyq reformalardy elimiz iske asyrýǵa kiriskenin, sondaı-aq osy reformalardyń arasynda birinshisi memlekettik apparatty jańǵyrtýǵa baǵytalǵany sımvoldyq mánge ıe ekenin atap ótti.

«Memleketti tabysty damytýdyń negizi - yqsham memlekettik apparat qurý. Bundaı apparat ekonomıkalyq jáne áleýmettik baǵdarlamalardy tıimdi júzege asyrýdy, sondaı-aq sapaly memlekettik qyzmetterdi usynýdy qamtamasyz etedi»,-dedi T. Donaqov.

Osy rette ol Memlekettik qyzmet isteri mınıstrligi memlekettik qyzmettiń jańa modelin júzege asyrýdyń lokomotıvi, sonymen qatar barsha memapparatty kásibılendirýdiń ortalyǵy men tetigi bolýy tıis ekenin atap ótti.

«Túzilip otyrǵan model memlekettik qyzmet, memlekettik basqarý jáne sybaılas jemqorlyqqa jol bermeý turǵysynda sheteldik tájirıbege basa mán beredi»,-dedi mınıstr.