Memlekettiń qorǵanys jospary budan bylaı memlekettik qupııa sanalady

NUR-SULTAN. QazAqparat - QR Parlamenti Májilisiniń jalpy otyrysynda «QR keıbir zańnamalyq aktilerine soǵys jaǵdaıy máseleleri boıynsha ózgerister men tolyqtyrýlar engizý týraly» zańy jobasy maquldandy, dep habarlaıdy QazAqparat tilshisi.

Qujat boıynsha baıandama jasaǵan Halyqaralyq ister, qorǵanys jáne qaýipsizdik komıtetiniń tóraǵasy Muhtar Ermannyń aıtýynsha, qaralap otyrǵan zań jobasynyń tujyrymdamasy osy jyldyń 15 qańtarynda ótken Májilistiń jalpy otyrysynda 1-oqylymda maquldandy.

«Zań jobasy Qarýly kúshterdiń Joǵarǵy bas qolbasshysy qabyldaǵan QR-nyń qorǵanys josparyn iske asyrý úshin daıyndaldy. Zań jobasynyń negizgi maqsaty - memlekettiń qorǵanysqa jáne áskerı qaýipsizdikti qamtamasyz etýge daıyndyq júıesin jetildirý, QR soǵys jaǵdaıy salasyndaǵy zańnamalyq aktilerin áskerı qaqtyǵystar sıpatyndaǵy áleýetin áskerı qaterlerge jáne ózgeristerge sáıkes keltirý bolyp sanalady», - dedi ol.

Muhtar Ermannyń aıtýynsha, jumys barysynda depýtattar zań jobasyna birqatar túzetý engizgen.

«Atap aıtqanda, memlekettiń qorǵanys jospary qujattaryn memlekettik qupııalarǵa jatatyn málimetterge jatqyzý, QR-nyń qorǵanys jospary uǵymyn engizý, QR-nyń qorǵanys josparyn, oblystyq jáne respýblıkalyq mańyzy bar qalanyń, astananyń aýmaqtyq qorǵanys josparyn iske asyrý jónindegi qujattardy ázirleý boıynsha jergilikti atqarýshy organdardyń quziretin bekitý, qorǵanys josparyn jáne ony iske asyrý jónindegi qujattardy ázirleý boıynsha memlekettik organdardyń quziretin naqtylaý, oblystyń, respýblıkalyq mańyz bar qalanyń, astananyń qorǵanys keńistiginiń quziretin naqtylaý, áskerı kafedaralarda serjanttyq quramnyń rezervin daıyndaý. Atalǵan zań jobasyn qabyldaý soǵys jaǵdaıy kezeńinde memlekettik organdardyń jumys isteý tetigin jetildirgýe múmindik beredi», - dedi Májilis deptýtaty.

Májilis depýtattary zań jobasyn maquldap, Senat qaraýyna jiberdi.