Memlekettiń qorǵanys qabileti men quqyq tártibin qamtamasyz etýge 6,5 trln teńge bólinedi
«Bıýdjet shyǵystarynyń kelesi mańyzdy baǵyty - ekonomıka salalaryn qoldaý jáne damytý. Úshjyldyq kezeńde osy maqsattarǵa 6,1 trln teńge, onyń ishinde 2023 jylǵa 2,5 trln teńge qarastyrylǵan. Osy baǵyt esebinen kólik ınfraqurylymyn damytý, taza aýyz sý jáne tabıǵı gazben qamtamasyz etý, bıznesti qoldaý jáne basqa da basym mindetterdi iske asyrý josparlanyp otyr. Memlekettiń qorǵanys qabileti men quqyq tártibin qamtamasyz etýge úsh jylǵa 6,5 trln teńge, al 2023 jylǵa 2,3 trln teńge kózdelgen», - dedi Erulan Jamaýbaev.
Onyń atap ótýinshe, óńirlik saıasat memleketti damytýdyń mańyzdy baǵyttarynyń biri sanalady. Bul rette, úshjyldyq kezeńde óńirlerge sýbventsııalar retinde 16,1 trln teńge, al 2023 jyly 5 trln teńge bólinedi.
«Bıýdjet jobasynda nysanaly transfertter 3,7 trln teńge kóleminde kózdeldi, onyń ishinde 2023 jyly – 1,1 trln. teńge. Jalpy úshjyldyq kezeńde óńirlerge respýblıkalyq bıýdjet qarajaty esebinen 19,8 trln teńge, onyń ishinde 2022 jyly – 6,2 trln teńge nemese bıýdjettiń jalpy shyǵystarynyń 29,3 paıyzy bólinetin bolady», - dedi vıtse-premer.