Memlekettiń ilgeri jyljyp, eńse tikteýinde áıelder qaýymynyń alar orny erekshe – Máýlen Áshimbaev

ASTANA. QazAqparat – QR Parlamenti Senatynyń tóraǵasy Máýlen Áshimbaev áıelder qaýymyn 8 naýryz – Halyqaralyq áıelder kúnimen quttyqtady, dep habarlaıdy QazAqparat.«Aıaýly arýlar!

Sizderdi Halyqaralyq áıelder kúnimen shyn júrekten quttyqtaımyn! Bul kún – meıirimniń, ádemiliktiń jáne náziktiktiń merekesi. Sondyqtan dál osy kúni analarymyzǵa qurmet kórsetip, arýlarymyz ben qyzdarymyzdy quttyqtaýǵa asyǵamyz»,-dep jazdy Senat tóraǵasy óziniń Facebook paraqshasynda.

Sondaı-aq Máýlen Áshimbaev eldiń yrys-yntymaǵyn eseleý jolynda búgingideı shýaqty merekeniń mańyzy zor ekendigin aıtty. Óıtkeni dál osy kúni izgilik, syılastyq, súıispenshilik sııaqty durys qundylyqtar dáripteledi.

Shyn máninde, memlekettiń ilgeri jyljyp, eńse tikteýinde áıelder qaýymynyń alar orny erekshe. Tarıhymyzda danalyǵymen tanylǵan analarymyzdyń ómir joly sonyń aıqyn dáleli.

Qazirgi tańda da sizder otbasynyń ǵana emes, tutas ulttyń uıytqysy retinde barlyq salada tabysty eńbek etip, táýelsiz Qazaqstannyń ósip-órkendeýine úlken úles qosyp kelesizder. Memleket basshysynyń bastamasymen iske asyrylyp jatqan Ádiletti Qazaqstan qurý jolynda da áıelderdiń aqyl-parasaty men erik-jigeri mańyzdy ról atqarady.

«Búgingi meırammen quttyqtaı otyryp, barshańyzǵa zor densaýlyq, uzaq ǵumyr, otbasylaryńyzǵa baq-bereke jáne jańa jeńister men jetistikter tileımin! Árdaıym kóktemdeı qulpyryp júre berińizder.

Mereke qutty bolsyn!»,-dep jazdy Senat spıkeri.

Aıta keteıik, búgin Halyqaralyq áıelder kúni merekesimen qazaqstadnyq arýlardy Memleket basshysy Qasym-Jomart Toqaev quttyqtaǵan bolatyn.