Memlekettik joǵary oqý oryndary satylmaıdy

NUR-SULTAN. QazAqparat – Memlekettik joǵary oqý oryndary tek memleket menshiginde bolady. Bul jaıynda Bilim jáne ǵylym mınıstri kezindegi qyzmeti týraly esep bergen Oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

«20 joǵary oqý orny «Akademııalyq sheberlik ortalyqtary» jobasyna endi. Olarǵa 2025 jylǵa deıin materıaldyq-tehnıkalyq bazany nyǵaıtýǵa 80 mlrd teńge kóleminde qarjy bólindi», - dep jazdy mınıstr Facebook paraqshasynda.

Onyń aıtýynsha, JOO-larda memleket pen oqytýshylar, stýdentterdiń múddesin qorǵaý úshin zańnamalyq deńgeıde olardy ıelikten shyǵarýǵa nemese tipti olardyń úlesine qatysýǵa tyıym salý týraly arnaıy norma engizildi.

«ıAǵnı endi memlekettik joǵary oqý oryndary satylmaıdy. Olar tek memleket menshiginde bolady. 2020 jyldan bastap alǵash ret ǵylymı uıymnyń materıaldyq-tehnıkalyq jabdyqtalýyna arnaıy baǵdarlama ashylyp, qarajat bólindi. Nátıjesinde ǵylymı uıymdar sońǵy jyldary álemdik óndirýshilerdiń zamanaýı jabdyqtaryn satyp aldy», - dedi Ashat Aımaǵambetov.