Memlekettik-jekeshelik áriptestik: Reıtıngi joǵary 4 oblys anyqtaldy
Vedomstvo basshysy jasalǵan sharttar sany boıynsha Shyǵys Qazaqstan oblysy, Pavlodar oblysy jáne Almaty qalasy birinshi orynda tur. Jalpy, 4 negizgi ólshemshart boıynsha aımaqtardyń reıtıngisi kórsetildi. Bul turǵyda jasalǵan sharttardyń sany, bıýdjetten tólemsiz iske asyrylatyn jobalar, quzyrettiligi boıynsha, sondaı-aq ınvestorlar úshin aqparattyń ashyqtyǵy eskerilip otyr.
«Shyǵys Qazaqstan, Qyzylorda, Aqmola jáne Qostanaı oblystarynyń reıtıngi joǵary ekenin atap ótken jón. Soltústik Qazaqstan, Batys Qazaqstan, Atyraý oblystary men Shymkent qalasynda kórsetkish tómen. Ekonomıkany damytý úshin sany emes, sapasy mańyzdy. Mınıstrlik jobalardyń 3 sanaty boıynsha taldaý júrgizdi. I sanat - jekeshe áriptestiń ınvestıtsııalary men operatsııalyq shyǵyndaryn bıýdjetten tolyq óteý. II sanat - ınvestıtsııalardy bıýdjet esebinen jáne naryqtan kórsetiletin qyzmetter esebinen ishinara óteý. III sanat - bıýdjetten qaıtarýsyz iske asyrý. Óteý kórsetiletin qyzmetter esebinen júrgiziledi. Osylaısha, bıýdjetten eń tómengi óteýdi talap etetin memlekettik-jekeshelik áriptestik jobalaryn damytý qajet dep sanaımyz. Bul bıýdjetke túsetin júktemeni alady jáne ınvestıtsııany kóp tartady», - dedi mınıstr.
Onyń sózine qaraǵanda, búginde jobalar pýly birkelki bólingen. Sonymen qatar, tolyq óteletin jobalar, ishinara óteletin jobalar da bar. Bul rette, 946 mlrd teńge ınvestıtsııa tartylǵan 372 joba boıynsha bıýdjetten óteýsiz jáne ishinara óteletin jobalar bar.
«Osylaısha, bıýdjetke eń az júkteme túsetin ınvestıtsııalar tartý úshin bıýdjetten óteýsiz (II-ІІІ sanat) nemese barynsha az óteletin jobalarǵa kóńil bólý qajet dep sanaımyz», - dedi R. Dálenov.