Memlekettik-jekemenshik áriptestik negizinde biryńǵaı kommýnaldyq kásiporyn qurý qajet - D. Nazarbaeva

ASTANA. QazAqparat - Búginde elimizde kommýnaldyq qyzmet kórsetý salasynda biryńǵaı saıasat joq. Bul týraly búgin kommýnaldyq qyzmet tarıfteri máselesine arnalǵan otyrysta QR Parlamenti Májilisi Áleýmettik-mádenı damý komıtetiniń tóraıymy Darıǵa Nazarbaeva málim etti.

Depýtat óz sózinde 2011 jyldan bastap salada jańǵyrtý jumystaryna ınvestıtsııalar artyp otyrǵandyǵyn, alaıda apattyq jaǵdaılardy tómendetý boıynsha kórsetkish tıisti deńgeıde emes ekenin atap ótti.

Sonymen qatar D.Nazarbaeva kúrmeýi kóp máselelerdiń biri - barlyq kommýnaldyq kásiporyndar túrli menshik nysandaryna ıe bolýyna baılanysty ekenin sóz etti. «Ár kásiporyn ózinshe tehnıkalyq jáne ınvestıtsııalyq maqsattardy sheshedi. Búginde elimizde kommýnaldyq qyzmet kórsetý salasynda biryńǵaı saıasat joq. Osy turǵyda Tabıǵı monopolııalardy retteý agenttigi bul máselelerdi jalǵyz ózi eńsere almaıdy»,- dep toqtaldy halyq qalaýlysy. Osy oraıda ol agenttik tarıfterdi ustap turý men barlyq monopolıstermen jumys isteýde eleýli sharalar atqaryp jatqandyǵyn aıtty.

Depýtattyń aıtýynsha, damyǵan elderdiń tájirıbesin eskere otyryp, elimizde memlekettik-jekemenshik áriptestik negizinde biryńǵaı kommýnaldyq kásiporyn qurý múmkindigin talqylaýdy bastaý qajet. «Qandaı qurylymda, qalaı jumys isteıtinin sarapshylar men mamandar sheship jatar. Biraq, meniń oıymsha, osyndaı qajettilik búginde jetildi», - dep túıdi D.Nazarbaeva.