Memlekettik jáne salalyq baǵdarlamalar boıynsha tekseris osy aıda aıaqtalady - E.Dosaev

ASTANA. 4 qarasha. QazAqparat - Memlekettik jáne salalyq baǵdarlamalar boıynsha tekseris osy aıda aıaqtalady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Ekonomıka jáne bıýdjettik josparlaý mınıstri Erbolat Dosaev aıtty.

«Memleket basshysynyń tapsyrmasyna oraı Óńirlik damý mınıstrligi memlekettik jáne salalyq baǵdarlamalar boıynsha tekseris júrgizýde, ol aǵymdaǵy jyldyń qarasha aıynda aıaqtalady», - dedi ol.

Mınıstrdiń atap ótýinshe, tekserispen 46 baǵdarlama qamtylǵan, onyń beseýi - memlekettik, al 41-i - salalyq baǵdarlama. Tekseris barysynda baǵdarlamalardyń ázirleý sapasy, bıýdjettik qarajatty qoldaný tıimdiligi men maqsattylyǵy, sonymen qatar qoıylǵan maqsatqa qol jetkizý dárejesi, baǵdarlamalardyń qosarlanýy jáne qarjylaı qamtamasyz etilýine baǵa beriledi.

«Tekseristiń qorytyndysynda úılesimdileý, memlekettik jáne salalyq baǵdarlamalardyń qarjylandyrylýynyń basymdylyqtary men tıimdilikterin arttyrý boıynsha naqty usynystar beriletin bolady. Keıbir baǵdarlamalar jańadan óńdelip jatqan baǵdarlamalarmen birigip, bir baǵytqa arnalǵan baǵdarlama biryńǵaı baǵdarlamaǵa biriktiriledi, keıbir baǵdarlamalardaǵy qosarlanǵan baǵyttar alynyp tastalady», - dedi E.Dosaev.

Sondaı-aq onyń atap ótýinshe, tıimsiz dep qabyldanǵan baǵdarlamalar joıylyp, al tıimdiligi tómen baǵdarlamalardyń mazmuny olardyń qarjylandyrý kólemi jaǵynan qaıta qarastyrylatyn bolady.