Memlekettik jáne kvazımemlekettik 675 nysan jekeshelendiriledi
Keshendi jospar memlekettik menshiktegi jáne kvazımemlekettik sektordaǵy 675 nysandy qamtıdy. Oǵan respýblıkalyq menshiktegi 7 nysan, kommýnaldyq menshiktegi 250 nysan, ulttyq holdıngter men kompanııalardyń 262 nysany men áleýmettik-kásipkerlik korporatsııalardyń 156 obektisi kiredi.
«Bıylǵy 1 jeltoqsandaǵy jaǵdaı boıynsha keshendi jospardaǵy 675 nysannyń 253-i 141,7 mlrd teńgege básekeles ortaǵa berildi, 60-y qaıta uıymdastyrýǵa jáne taratýǵa jiberildi, 146-sy saýda-sattyqta bolsa, 216 nysan satý aldyndaǵy daıyndyqta tur. Keshendi jospardaǵy satý, qaıta uıymdastyrý jáne taratý protsesterin eskersek, onyń oryndalýy 46%-ti quraıdy. Al Keshendi jospar obektilerin saýda-sattyqqa shyǵarý kórsetkishi 68%-ti qurap otyr», - dedi Qarjy mınıstri búgingi Úkimet otyrysynda.
Keshendi jospardy ýaqytyly jáne tıisinshe oryndaý maqsatynda memlekettik múlik tiziliminiń veb-portalynda árbir nysandy satýǵa shyǵarý sharalaryn ótkizý merzimderi kórsetilgen jol kartalary jarııalandy. Jol kartalary barshaǵa qoljetimdi. Budan basqa, obektilerdi satýǵa shyǵarý merzimderine tásilder belgilendi. Oǵan sáıkes, jyl sońyna deıin keshendi jospar nysandarynyń 80%-ine deıin saýda-sattyqqa shyǵarý kózdelgen. «Qarjy mınıstrligi satý jol kartalary boıynsha is-sharalardyń oryndalýyna turaqty monıtorıng júrgizedi», - dedi E. Jamaýbaev.