Memlekettik tildi meńgerý tulǵanyń ózin-ózi patrıottyqqa tárbıeleýiniń bir túri - M. Tájın
«Qazaqstan halqy Assambleıasynyń Keńesi memlekettik tildi qoldaný aıasyn keńeıtýde belsendi jumysyn jalǵastyrýy qajet. Memlekettik til - halyqtardy jumyldyratyn faktor», - deı kele Marat Tájın etnomádenı ortalyqtar basshylarynyń nazaryn mádenı-lıngvıstıkalyq ortany nyǵaıtýdyń qajettigine aýdardy.
«Árıne eń aldymen ortalyqtar basshylarynyń ózderi tarapynan tildi bilýi, sol boıynsha áreketteri, ózderiniń etnıkalyq toptary arasynda memlekettik tildiń naqty suranysyn ashyp kórsetýi mańyzdy bolyp tabylady. Jalpy, qazaq tilin meńgerý tulǵanyń ózin-ózi patrıottyqqa tárbıeleýdiń bir túri», - dedi Memelkettik hatshy.
Sonymen qatar, M. Tájın qazaq tilin jedel meńgerýge arnalǵan «Til-daryn» tilderdi oqytýdyń ınnovatsııalyq ortalyǵynda jańa ádisteme jasalynǵanyn, onyń negizinde «Qazaq tili» oqytý-ádistemelik kesheni qurylǵanyn aıtty.
«Ádisteme joq, oqýlyq joq degen syltaýlar bolmaýy kerek. Bıyl jazda ǵana osy ádistemeler jasaldy, ony sarapshylar da qarap shyqty. Meńgerem degenge bul keremet bazalyq oqýlyq», - dedi Memlekettik hatshy.
Sonymen qatar, M. Tájın memlekettik tildi ıgerýde ózgelerge úlgi bolyp, bıik mejege jete bastaǵan nemister etnomádenı ortalyǵynyń, kárister qaýymdastyǵynyń, túrikter qoǵamdastyǵynyń basshylaryna alǵysyn jetkizip, osyndaı ıgi jumystaryna jemis tiledi.