Memlekettik tildi damytýǵa arnalǵan 28 ǵylymı jobaǵa 161,5 mln. teńge bólinip otyr

ASTANA. QazAqparat - Memlekettik tildi damytýǵa arnalǵan 28 ǵylymı jobaǵa 2014 jylǵa 161,5 mln. teńge qarjy qarastyrylǵan. Bul týraly búgin Bilim jáne ǵylym mınıstrliginde «Máńgilik Eldiń Máńgilik tili» taqyrybynda ótken dóńgelek ústel barysynda málim boldy.

Bilim jáne ǵylym vıtse-mınıstri Esenǵazy Imanǵalıevtyń aıtýynsha, ǵylym salasynda memlekettik tildi damytý jobalary boıynsha A. Baıtursynov atyndaǵy Til bilimi ınstıtýty, Memlekettik tildi damytý ınstıtýty, ál-Farabı atyndaǵy Qazaq ulttyq ýnıversıteti jáne basqa ǵylymı, bilim berý uıymdarynda qarastyrylyp otyr.

«Jalpy joǵary jáne joǵary oqý ornynan keıingi bilim salasynda qazaq tilinde daıarlyq júrgizý aýqymy úzdiksiz artyp otyr. Eger 2011-2012 oqý jylynda memlekettik tilde bilim alýshylar barlyq stýdentterdiń 54 paıyzyn qurasa, aǵymdaǵy oqý jylynda barlyq 527,2 myń stýdenttiń 58 paıyzy nemese 305 myń stýdent qazaq tilinde oqıdy. Al tehnıkalyq jáne kásiptik bilim berý salasynda 718 kolledjde 145 taza qazaq tilindegi jáne 573 eki tilde bilim beretin uıymdarda mamandar memlekettik tilde daıarlanady. 181 mamandyq boıynsha daıarlanatyn 457,6 myń stýdenttiń 57,7 paıyzy nemese 264,2 myńy qazaq tilinde bilim alýda», - deıdi vıtse-mınıstr.