Memlekettik tilde tańba bolmaǵan: Kókshetaýda «Gelıos» janarmaı quıý stantsııasyna aıyppul salyndy

KÓKShETAÝ. QazAqparat – Kókshetaýda memlekettik tilde tańba salynbaǵan motor maılaryn satqan «Gelıos» janarmaı quıý stantsııasyna aıyppul salyndy, dep habarlaıdy QazAqparat tilshisi QR Saýda jáne ıntegratsııa mınıstrligi Tehnıkalyq retteý jáne metrologııa komıtetiniń baspasóz qyzmetine silteme jasap.

Vedomstvonyń málimetinshe, QR SIM Tehnıkalyq retteý jáne metrologııa komıtetiniń Aqmola oblysy boıynsha departamenti «Qazaqstan avtohımııasyn óndirýshiler men tutynýshylar qaýymdastyǵy» zańdy tulǵalar birlestiginiń «Gelıos» JShS Kókshetaý fılıalyna qatysty «maılaý materıaldaryna, maılarǵa jáne maılarǵa qoıylatyn talaptar týraly» arnaıy suıyqtyqtarǵa (budan ári-KQ TR 030/2012) Keden odaǵynyń tehnıkalyq reglamentiniń talaptaryn saqtaýǵa qatysty ótinishi boıynsha jospardan tys tekseris júrgizgen.

«Tekseris barysynda «MANNOL EXTREME 5W40, 1 L, maıynyń óndirýshisi: SCT Lubricants, Infoline: SCT-VERTRIEBSGMBH Feldstrasse 154 22880 Wedel/Hamburg Germany» markaly motor maıynyń tańbalaný bóliginde KQ TR 4.4 tarmaǵynyń talaptaryna sáıkes memlekettik tilde aqparat joq ekeni anyqtaldy. Sondaı-aq usynylǵan beınematerıaldar boıynsha zańdy tulǵanyń talaby boıynsha sapa pasportynyń kóshirmesin nemese qaýipsizdik pasportynyń kóshirmesin satýshynyń usynbaýy jaıly derekter tirkeldi», - dedi vedomstvodan.

Osy rette, «Gelıos» JShS Kókshetaý fılıalyna qatysty ákimshilik quqyq buzýshylyq týraly hattama toltyryldy. Jalpy somasy 414 000 (tórt júz on tórt myń) teńgege ákimshilik jaza qoldanyldy. Sonymen birge, qoldanystaǵy zańnama normalary, sondaı-aq osy normalardy qaıta buzǵany úshin jaýapkershilik bary túsindirildi.

Aıta ketsek, Halyqty jumyspen qamtý ortalyǵynyń basshysy para alǵany úshin sottaldy.