«Memlekettik til jáne BAQ» respýblıkalyq baıqaýynyń jeńimpazdary anyqtaldy
Bıyl konkýrsqa 75 qatysýshy 153 materıal usynǵan. Solardyń ishinen arnaıy komıssııanyń sheshimine sáıkes, bas júldeni Jambyl oblystyq «Ar-Aı» jastar gazetiniń tilshisi Ábdir Shapaǵat jeńip aldy. Oǵan 1 mln teńgeniń sertıfıkaty tabys etildi.
Al «Úzdik maqala» nomınatsııasy boıynsha І oryn respýblıkalyq «Jas alash» qoǵamdyq-saıası gazetiniń tilshisi Bıfat Eltaevaǵa, ІІ oryn «Egemen Qazaqstan» gazetiniń aǵa tilshisi Aıdana Shotbaıqyzyna, ІІІ oryn «Tólebı týy» qoǵamdyq-saıası gazeti redaktsııasynyń bólim meńgerýshisi Tólegen Ahmetovke buıyrdy.
Sonymen qosa, «Úzdik tele jáne radıobaǵdarlama» nomınatsııasy boıynsha І oryndy «Jetisý radıosynyń» bas redaktory Muhıt Toqtasyn jeńip aldy. Bul atalymda ІІ oryndy Qazaq radıosynyń sholýshy redaktory Shákim Janbolat jáne ІІІ oryndy «Qyzylorda» telearnasynyń shef-redaktory Tolqyn Qabylsha enshiledi.
«Úzdik saıt» nomınatsııasynda respýblıkalyq «Aıqyn» gazetiniń tilshisi Qarqyn Kóktem jeńimpaz atandy. ІІ oryn halyqaralyq «Túrkistan» gazetiniń shtattan tys tilshisi Ahmer Birjanǵa, ІІІ oryn Qazaqstan ulttyq quramasynyń baspasóz hatshysy Ermuhamed Máýlenge buıyrdy.
Baıqaý júldegerleri aqshalaı syıaqymen marapattaldy. Aıta keteıik, baıqaý Ǵylym jáne joǵary bilim mınıstrliginiń Til saıasaty komıteti jáne Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵymen birlese uıymdastyrylǵan.
Foto: facebook.com/gylym.jogarybilim