Memlekettik til saıasaty jónindegi komıssııanyń quramy ózgeredi

ASTANA. QazAqparat – Memlekettik til saıasatyn iske asyrý jónindegi komıssııa quramynyń jańa músheleri bekitilmek. Bul týraly «Ashyq» NQA portalynda jarııalanǵan Úkimet ókiminiń jobasynda kórsetilgen, dep habarlaıdy QazAqparat tilshisi.

Málim bolǵandaı, Memlekettik til saıasatyn iske asyrý jónindegi komıssııanyń quramynda mynadaı ózgerister bolady:

- QR Parlamentiniń Senaty Apparaty Basshysynyń orynbasary Spotkaı Maksım Aleksandrovıchtiń ornyna Ál-Farabı atyndaǵy Qazaq ulttyq ýnıversıtetiniń professory, fılologııa ǵylymdarynyń doktory Salqynbaı Anar Bekmyrzaqyzy;

- Ǵylym komıtetiniń «A.Baıtursynov atyndaǵy Til bilimi ınstıtýty» kásipornynyń mádenıet jáne til bóliminiń meńgerýshisi, fılologııa ǵylymdarynyń kandıdaty Ámirjanova Nazıra Serikqyzynyń ornyna Ǵylym komıtetiniń «A. Baıtursynov atyndaǵy Til bilimi ınstıtýty» kásipornynyń bóliminiń meńgerýshisi, fılologııa ǵylymdarynyń doktory, professor Kúderınova Quralaı Bımoldaqyzy;

- Memleket jáne qoǵam qaıratkeri, fılologııa ǵylymdarynyń doktory, professor Ahmetov Ádil Qurmanjanulynyń ornyna jazýshy, pýblıtsıst, Qazaqstannyń eńbek sińirgen qaıratkeri Smaıyl Aldan Zeınollauly;

- «Qazcontent» AQ basqarma tóraǵasynyń keńesshisi Rojın Maksım Nıkolaevıchtiń ornyna QR Ulttyq Ǵylym Akademııasynyń tolyq múshesi, fılologııa ǵylymdarynyń doktory, professor Qurmanálıev Kárimbek Arystanbekuly.

Komıssııanyń jańa quramyn bekitýdi kózdeıtin Úkimet ókiminiń jobasy 5 mamyrǵa deıin kópshilik talqylaýda bolady.