Memlekettik tehnıkalyq qyzmet Aqparat mınıstrliginen UQK-ge berildi

ALMATY. QazAqparat - Memlekettik tehnıkalyq qyzmet Aqparat mınıstrliginen Ulttyq qaýipsizdik komıtetine berildi. Mundaı qaýlyǵa QR Úkimet basshysy Baqytjan Saǵyntaev qol qoıdy, dep habarlaıdy QazAqparat tilshisi.

Atalǵan ózgeris QR Úkimetiniń 27 shildedegi №457 qaýlysymen kúshine endi.

«QR Aqparat jáne kommýnıkatsııa mınıstrliginiń sharýashylyq basqarýdaǵy  «Memlekettik tehnıkalyq qyzmet» respýblıkalyq memlekettik kásipornynyń ataýyn QR Ulttyq qaýipsizdik komıtetiniń  sharýashylyq basqarýdaǵy  «Memlekettik tehnıkalyq qyzmet» respýblıkalyq memlekettik kásiporny dep ózgertilsin», - dep jazylǵan qaýlyda.

QR AKM men QR Qarjy mınıstrliginiń memlekettik múlik jáne jekeshelendirý komıtetine UQK-ga ortalyq basqarý jobalaryn júzege asyrýǵa arnalǵan  telekommýnıkatsııa jelilerin, Internetke kiretin biryńǵaı shlıýzdi, kompıýterlik oqys oqıǵalarǵa jedel áreket etý qyzmetterin, aqparattyq júıelerdiń monıtorıngtik ortalyǵyn ótkizý týraly tapsyrma berildi.

Atalǵan kásiporyn aqparattandyrý salasynda, elektrondy qujattar men eletkrondy tsıfrlik qoltańba, baılanys, teleradıohabar taratý salasynda jumys jasap keledi.