Memlekettik tapsyrystyń shıkiliksiz oryndalýyna birinshi basshylar jaýapty – Premer-Mınıstr

ASTANA. QazAqparat – Memlekettik satyp alý protsesi osy kúnge deıin sybaılas jemqorlyq jıi oryn alatyn sala bolyp tur. Qarjy mınıstrliginiń keńeıtilgen alqa májilisinde QR Premer-Mınıstri Álıhan Smaıylov osyndaı derek aıtty, dep habarlaıdy QazAqparat tilshisi.

«Atqarylǵan jumystarǵa qaramastan, memlekettik satyp alý protsesi osy kúnge deıin sybaılas jemqorlyq jıi oryn alatyn sala retinde qalyp otyr. Sondyqtan, ony jetildirý jumystaryn jalǵastyrý kerek. Ol úshin adamı faktordy tolyǵymen alyp tastap, tapsyrys berýshi – birinshi basshynyń derbes jaýapkershiligin kúsheıtý qajet», - dedi Úkimet basshysy.

Onyń paıymynsha, memlekettik satyp alý týraly zańnamany qoldaný praktıkasyna quqyqtyq jaǵynan keshendi taldaý júrgizý qajettigi týyndap otyr.

«Sarapshylarmen jáne «Atameken» palatasymen birlesip, barlyq problemalyq ýchaskelerdi anyqtap, Memlekettik satyp alý týraly jańa zańdy ázirleýdiń negizgi tásilderin aıqyndaý kerek.

Bıznes-protsesterdi tolyq avtomattandyrýǵa basa nazar aýdara otyryp, osy saladaǵy ozyq álemdik tájirıbeni eskerý qajet», - dedi Álıhan Smaıylov.