Memlekettik shyǵystardyń áleýmettik-ekonomıkalyq áseri taldanady
«Memlekettik shyǵystardyń áleýmettik-ekonomıkalyq áserin taldaý boıynsha múddeli memlekettik organdar men uıymdardyń qatysýymen vedomstvoaralyq jumys toby qurylyp jatyr. Jol kartasy qabyldanady. Onda bıýdjet shyǵystaryn baǵalaý quraldaryn keńeıtý, shyǵystardy qadaǵalaý tetigin engizý jáne qarajatty bólý basymdyqtaryn aıqyndaý kózdeletin bolady», - dedi mınıstr.
Onyń atap ótýinshe, qazirgi ýaqytta 80 shara men 9 memlekettik jáne salalyq baǵdarlamany qamtıtyn memlekettik qoldaý is-sharalarynyń monıtorıng júıesi iske qosyldy.
«Júıe memlekettik qoldaý is-sharalaryn alýǵa deıingi jáne odan keıingi sýbektiniń qarjylyq-ekonomıkalyq tıimdiligin anyqtaýǵa, salyq túsimderi túrindegi shyǵystardy kiristermen salystyrýǵa, sondaı-aq jumys oryndaryn qurýǵa jáne eńbekaqy tóleý qoryn arttyrýǵa taldaý jasaýǵa múmkindik beredi. Atalǵan júıeni qurý jónindegi jumys nátıjeleri jańa ádistemeni ázirleý kezinde eskeriletin bolady», - dedi Erulan Jamaýbaev.