Memlekettik satyp alýlar energııatıimdilik boıynsha tekserilip otyrady

NUR-SULTAN. QazAqparat – QR Indýstrııa jáne ınfraqurylymdyq damý mınıstriniń orynbasary Marat Qarabaev eldegi energııa tıimdilikti arttyrý baǵytynda usynylyp otyrǵan zańnama ózgeristeri týraly málimet berdi, dep habarlaıdy QazAqparat tilshisi.

«Qazirgi tańda energııalyq aýdıt jasaýshy uıymdar tıisti mártebe alýǵa talpynyp júr. Sol maqsatpen mınıstrlikke tórt qujattan turatyn saýal joldandy. Osynyń negizinde mınıstrlik olarǵa energııalyq aýdıt jasaýmen aınalysýǵa ruqsat beretin qujatty onlaın tártippen tabystaı alady. Bir jaǵynan biz atalǵan rásimdi lıberaldy jolǵa salyp otyrsaq, ekinshi jaǵynan tártipti qataıtamyz. Óıtkeni qujat endi tek onlaın formatta qabyldanady. Sonyń aıasynda tıisti emtıhandar, testileý, suhbattasý sharalary ótedi», - dedi vıtse-mınıstr «Qazaqstanda energııa tıimdilikti arttyrý» jobasyn qorytyndylaǵan saltanatty sharada.

Onyń sózine qaraǵanda, keleshekte memlekettik satyp alýlarǵa da energııa tıimdilik boıynsha naqty talaptar qoıylmaqshy.

«Memlekettik satyp alý aıasynda alynǵan taýarlardyń bári mindetti túrde energııa tıimdilik boıynsha monıtorıngiden ótedi. ıAǵnı, bıýdjet esebinen áleýmettik nysan salynatyn bolsa, transformator nemese qosalqy stansa energııa tıi m dilik talabyna saı bolýy kerek. Memlekettik satyp alý aıasynda osy talapqa saı emes qondyrǵylar ornatýǵa tyıym salynady», - dedi Marat Qarabaev.

Osy sharaǵa qatysqan QR Parlamenti Májilisiniń depýtaty Eldos Abaqanov elordadaǵy «Býdepesht», «Family Village» sııaqty avtonomdy ınfraqurylymǵa jalǵanǵan nysandardyń problemasyn depýtattyq saýal retinde joldap, mınıstrlik deńgeıinde kóterýge daıyn ekenin aıtty.