Memlekettik satyp alýda áleýmettik mańyzy bar jobalardy júzege asyrýda áleýmettik seriktestiktiń tıimdiligi joǵary - «Ravnyı Ravnomý» qoǵamdyq birlestiginiń dırektory
Bul másele búgin Almatyda ótip jatqan «Áleýmettik seriktestik - áleýmettik turaqtylyq kepili» dep atalatyn konferentsııada aıtyldy.
«Memlekettik satyp alýda áleýmettik mańyzy bar jobalardy júzege asyrýda áleýmettik seriktestiktiń tıimdiligi joǵary. Ony aýqymdy deńgeıde júrgizýge memleket qarjysy jetkiliksiz bolǵan kezde áleýmettik serikstestik arqyly qosymsha qarjy tartýǵa bolady. máselen jol qaýipsizdigin qamtamasyz etýge memlekettik organdar, úkimettik emes uıymdar bıznes qurylymdaryn tartýyna bolady», - deıdi «Ravnyı Ravnomý» qoǵamdyq birlestiginiń dırektory Saǵynǵalı Elkeev. Al «Aqparattyq-resýrs ortalyǵy» qoǵamdyq qorynyń dırektory Altynaı Kóbeevanyń aıtýynsha, memlekettik tapsyrystyń oryndalýyna monıtorıng jasaýdyń róli zor. Bul onyń tıimdiligin arttyrýǵa yqpal etedi. Máselen qoǵamdyq qabyldaý, senim telefony sııaqty turaqty jalǵastyrýdy qajet etetin keıbir áleýmettik jobalarǵa qarjy bir jylǵa ǵana bólinedi. Sondyqtan júzege asyrý kezinde jobanyń turaqsyzdyǵynan olardyń tıimdiligi asa joǵary bolmaıdy. Sol sebepti lottardy qurý kezinde salalyq basqarmalar bul máselege aıryqsha kóńil bólýi qajet.