Memlekettik satyp alý úshin taýarlardyń elektrondyq katalogy qoldanysqa engiziledi

NUR-SULTAN. QazAqparat - Qazaqstanda memlekettik satyp alý úshin taýarlardyń elektrondyq katalogy qoldanysqa engiziledi. Bul týraly QazAqparat Úkimettiń saıtyna silteme jasap habarlaıdy.

Kásipkerler men áleýetti ónim berýshiler memlekettik satyp alý protsesinde taýarlardyń elektrondyq katalogynan tehnıkalyq erekshelikterdi jasaıtyn bolady. Taýarlardyń elektrondyq katalogynan satyp alynýy tıis taýarlar Qarjy mınıstrligi bekitken arnaıy tizbege engizilgen.

Ázirleýshilerdiń pikirinshe, bul joba ádil básekelestikke yqpal ete otyryp, memlekettik satyp alýdy neǵurlym ashyq júrgizýge múmkindik beredi, al biryńǵaı nomenklatýrany, biregeı ónim kodtaryn jáne olardyń sıpattamalaryn anyqtaý baǵalardy naqty taldaýǵa múmkindik beredi.