«Memlekettik satyp alý» saıty óziniń ınterfeısin jańartty
«Memlekettik satyp alý» portalynyń ınterfeısi jańartyldy.
Resýrs jasaýshylarynyń aıtýynsha, ınterfeıstiń jańartylǵan redaktsııasy paıdalanýshylardyń qoldanysy úshin áldeqaıda jeńildetilgen. Saıttyń navıgatsııalyq júıesi jetildirilip, resýrstardy paıdalanýdyń nusqaýlary engizilip, «Suraq-jaýap» aıdary ashylǵan. Sonymen qatar 2009 jylǵy saqtalǵan qujattarǵa ený múmkinshiligi jasaldy.
Qazaqstan Respýblıkasynyń zańnamasyna jáne «El birligi» Doktrınasynyń basty qaǵıdatyna sáıkes, saıt mátinderi qazaq tilindegi úlgisi shyǵa bastady. Memlekettik satyp alý salasyndaǵy biryńǵaı operatory bolyp tabylatyn «Elektrondy kommertsııa ortalyǵy» JShS-niń tolyqtyrylýy negizinde jarııalanatyn Web-resýrs búgingi kúni paıdalanýshylar sany boıynsha barlyq rekordtardy basyp ozdy. Statıstıka kórsetip otyrǵanyndaı, saıtqa kúnine 80 000 astam paıdalanýshy kiredi eken.
«Memlekettik satyp alý» saıtyna 2008 jyly 500 jetkizýshi kompanııalar tirkelgen bolsa, 2009 jyly olardyń sany qarqyndy túrde ósip, shamamen 14 myńǵa taıap qaldy. Al 2010 jyldyń alǵashqy aılarynda jetkizýshi kompanııalar sany 30 myńǵa jetti.
Bıýdjettik uıymdarǵa arnalǵan taýarlar men qyzmetterge memlekettik satyp alýdy www.goszakup.gov.kz saıty arqyly júrgizý el bıýdjetiniń qomaqty qarjysyn únemdedi. QR Qarjy mınıstrliginiń derekterine sáıkes, osylaısha memlekettik satyp alýǵa bólingen qarjynyń 4,6 mlrd. teńgesi únemdelgen.