Memlekettik satyp alý protsesinde olqylyqqa jol bergen 183 qyzmetker jaýapqa tartyldy

ASTANA. QazAqparat – Sybaılas jemqorlyqqa qarsy is-qımyl agenttiginiń qoǵamdyq keńesi byltyr memlekettik satyp alýlar kezinde taýar quny qymbat etip kórsetilgen 1 myńnan astam jaıtty anyqtaǵan. Bul týraly atalǵan keńestiń múshesi Dıdar Smaǵulov aıtty, dep habarlaıdy QazAqparat tilshisi.

«Ótken jyly biz 2500-ge jýyq azamatqa tegin zań kómegin kórsettik. Uıymǵa barlyǵy 5 myńnan astam ótinish kelip tústi. Olardyń kópshiligi obektilerdi salý jáne memlekettik satyp alýlardy júzege asyrý kezinde sybaılas jemqorlyqqa qatysty kúdikpen baılanysty boldy. Ótken jyly biz 20 mlrd teńgeden astam somaǵa 1 myńnan astam táýekeldi satyp alýdy anyqtadyq. Sheneýnikter satyp alýlardy joǵary baǵamen júzege asyrýǵa tyrysqan jaǵdaılar jıi kezdesedi», - dedi Dıdar Smaǵulov.

Onyń málimdeýinshe, qoǵamdyq keńestiń ótinishteri negizinde ótken jyly memlekettik satyp alý protsesinde olqylyqqa jol bergen 183 laýazymdy tulǵa tártiptik jáne ákimshilik jaýapqa tartylǵan.