«Memlekettik satyp alý» óz ınterfeısin jańartty
Interfeıstiń jańa redaktsııasyn jasaýshylar onyń qoldanýshylarǵa áldeqaıda yńǵaıly bolǵanyn atap ótti. Saıt navıgatsııasynyń júıesi jetildirilgen, sondaı-aq «suraq-jaýap» aıdary men nusqalary qoıylǵan, 2009 jyldyń muraǵattyq boljamyna kirý múmkindigi saqtalǵan. Zań talaptary men QR Úkimetiniń jaqynda qabyldaǵan El birligi doktrınasyna sáıkes saıt tolyǵymen memlekettik tilge aýdarylǵan.
«Elektrondyq kommertsııa ortalyǵy» JShS tolyqtyryp otyrǵan web-resýrs búgingi kúni qoldanýshylardyń rekordtyq deńgeıine jetken. Statıstıka kúnine saıtqa 80 000 qoldanýshy kiretindigin kórsetip otyr.
Sondaı-aq www.goszakup.gov.kz saıty memleket úshin bıýdjettik uıymdarǵa arnalǵan taýar men qyzmettiń memlekettik satyp alýyna bóletin qarajatyn únemdeýge múmkindik týǵyzyp otyr. QR Qarjy mınıstrliginiń aqparaty boıynsha, bıylǵy jyldyń ózinde elektrondyq memlekettik satyp alý byltyrǵy jylmen salystyrǵanda 21 paıyzdy qurap, bıýdjettiń 4,6 mlrd, teńge kólemindegi qarajatyn únemdegen.