Memlekettik rámizderdiń 30 jyldyǵy aıasynda 180-nen astam is-shara ótedi

NUR-SULTAN. QazAqparat – Memlekettik rámizderdiń 30 jyldyǵyn atap ótý aıasynda respýblıka boıynsha 180-nen astam is-shara uıymdastyrý josparlanǵan. Bul týraly Mádenıet jáne sport vıtse-mınıstri Nurǵısa Dáýeshov málimdedi, dep habarlaıdy QazAqparat.

«Merekeleý kontseptsııasyna baılanysty árbir óńirde oblys ákimi janyndaǵy QR Memlekettik rámizder jónindegi komıssııa otyrystary uıymdastyryldy. Mádenıet úılerinde jáne kitaphanalarda aı saıyn taqyryptyq baǵytta is-sharalar bolyp turady. Jyl basynan beri barlyq kitaphanalarda «Meniń rámizderim, meniń maqtanyshym» keshendi kitap kórmeleri ótti. Іs-sharalarǵa shyǵarmashylyq jáne ǵylymı ıntellıgentsııa ókilderi, mádenıet jáne óner qaıratkerleri, jastar jáne úkimettik emes uıymdar, Amanat partııasy, Qazaqstan halqy Assambleıasy jáne jastar keńinen tartyldy», - dedi Nurǵısa Dáýeshov.

Sonymen qatar, astananyń «Atameken» etnomemorıaldyq saıabaǵyndaǵy eń bıik týtuǵyrda Memlekettik tý kóterý rásimi, respýblıka boıynsha Memlekettik gımndi oryndaý fleshmoby syndy mańyzdy is-sharalar uıymdastyrylady. Al, 4 maýsym kúni respýblıkalyq Patrıottar forýmy, avto-moto sherý ótkizý josparlanǵan.

Aıta ketsek, elordada «Memlekettiliktiń rámizderi» atty halyqaralyq ǵylymı konferentsııa ótti.