Memlekettik rámizder men nagradalar geraldıkasy jónindegi komıssııanyń otyrysy ótti
Qazaqstan Respýblıkasynyń Memlekettik hatshysy Qyrymbek Kósherbaevtyń tóraǵalyǵymen Memlekettik rámizder men vedomstvolyq jáne olarǵa teńestirilgen ózge de nagradalar geraldıkasy máseleleri jónindegi respýblıkalyq komıssııasynyń osy jylǵy qorytyndy otyrysy ótti.
Jıynda Qyrymbek Kósherbaev keler jyly Memlekettik rámizderdiń qabyldanǵanyna 30 jyl tolatynyna, aıtýly datany respýblıkalyq deńgeıde merekeleýdiń mańyzdylyǵyna toqtalyp, tıisti is-sharalar josparyn daıyndaýdy tapsyrdy.
K omıssııa tóraǵasy Memlekettik rámizder kúnin merekeleýdiń basty maqsaty – qazaqstandyq patrıotızmdi nasıhattaý, jas urpaqty táýelsizdik nyshandaryna qurmetpen qaraýǵa tárbıeleý ekenin atap ótti.
Otyrysta Mádenıet jáne sport mınıstri Aqtoty Raıymqulovanyń Geraldıkalyq zertteýler ortalyǵynyń qyzmeti jáne memlekettik organdardyń vedomstvolyq nagradalaryn ońtaılandyrý jaıynda baıandama jasady.
Sondaı-aq Qarjy mınıstri Erulan Jamaýbaev, Aqparat jáne qoǵamdyq damý mınıstri Aıda Balaeva, Soltústik Qazaqstan oblysynyń ákimi Qumar Aqsaqalov jáne Mańǵystaý oblysynyń ákimi Nurlan Noǵaev memlekettik rámizderdi nasıhattaý jáne paıdalaný boıynsha júrgizilip jatqan jumystar týraly esep berdi. Vedomstvolyq nagradalarǵa baılanysty usynystaryn Bilim jáne ǵylym mınıstri Ashat Aımaǵambetov, Saýda jáne ıntegratsııa mınıstri Baqyt Sultanov, Tótenshe jaǵdaılar mınıstriniń mindetin atqarýshy Ibragım Kúlshimbaev, Qarjylyq monıtorıng agenttigi tóraǵasynyń mindetin atqarýshy Jeńis Elemesov.
Sonymen qatar, Geraldıkalyq zertteýler ortalyǵynyń dırektory Álibek Asqarov «Qazaq geraldıkasy» atty kitap-albomnyń tusaýkeserin ótkizdi.
Otyrys qorytyndysy boıynsha Memlekettik hatshy vedomstvolyq nagradalardy ońtaılandyrý jónindegi jumysty jalǵastyrýdy, memlekettik rámizderdi tanymal etýde jáne jastarǵa patrıottyq tárbıe berýde qoǵamdyq uıymdardyń áleýetin keńinen paıdalanýdy tapsyrdy.