Memlekettik rámizder boıtumarymyzǵa aınalýy tıis - Jandarbek Málibekov

ASTANA. QazAqparat - Bıyl rámizderimiz - Memlekettik Tý men Eltańbanyń qabyldanǵanyna 25 jyl tolady. Mereıli kún qarsańynda, QR Ulttyq kitaphanasynda «Táýelsizdik rámizderi» atty kitap-qujattyq kórme ashyldy, dep habarlaıdy «QazAqparat» HAA tilshisi.

Kórme Memlekettik Týǵa, Eltańbaǵa jáne Ánuranǵa arnalǵan úsh bólimnen turady. Onda memlekettik rámizderdiń týý tarıhy, avtorlardyń ómirbaıany, egemendikke deıingi tarıhı rámizder týraly qujattyq materıaldar qoıylǵan.
 

Saltanatty ashylýǵa qatysqan QR Memlekettik Eltańbasynyń avtory Jandarbek Málibekov rámizderdiń qadir-qasıetin uǵyný qajettigin basa aıtty.
 

«Eltańbataný» degen baǵyt bolý kerek. Óıtkeni qazir Eltańbany bir fırmanyń logotıpi retinde  qabyldap júrmiz. Shyn máninde Eltańbada qazaq halqynyń erteden kele jatqan muń-muqtajy, tarıhy, dástúri kórsetilgen. Halyqtar dostyǵy shańyraq pen ýyqtar arqyly kórsetilgen.  Ony kópshilik bile bermeıdi. Elimizde rámizderdi óskeleń urpaqqa nasıhattaýǵa, tanystyryp júrýge únemi múmkindik jasalsa ıgi. Árbir memlekettik rámiz bizdiń boıtumarymyzǵa aınalýy tıis», - dedi Eltańba avtory.
 

Aıta keteıik, kórme jumysy jańa materıaldarmen tolyqtyryryla otyryp, 10 tamyzǵa deıin jalǵasady.

Foto: Vıktor Fedıýnın