Memlekettik organdardyń zań jobalaý jumystary sapasyz - Ádilet mınıstrligi

ASTANA. 12 sáýir. QazAqparat - Elimizdiń Ádilet mınıstrligi memlekettik organdardyń zań jobalaý jumystaryn sapasyz dep sanaıdy. Mundaı synı pikirdi búgin QR Úkimeti janyndaǵy zań jobalaý qyzmeti máseleleri jónindegi vedomstvoaralyq komıssııa otyrysynda QR Ádilet vıtse-mınıstri Záýresh Baımoldına bildirdi.

«Іs júzinde jyl saıyn aǵymdaǵy jylǵa arnalǵan zań jobalaý jumystaryn qalyptastyrý josparyna qatysty problema týyndaıdy. ótken jyly osy jumystarǵa júrgizilgen saraptama tolyqtaı alǵanda aǵymdaǵy jyldyń jospary sapasyz ekendigin kórsetti. Sondyqtan da qazirdiń ózinde taıaýda ǵana bekitilgen josparǵa ózgertýler engizilýde», - dedi ol.

Vıtse-mınıstrdiń naqtylaı túsýinshe, mundaı jaıttyń basty sebebi memlekettik organdar jumysynyń baıaýlyǵy bolyp otyr. Vedomstvolar kelesi jyly qandaı zań jobasyn ázirleýdi josparlap otyrǵandyǵy týraly usynysty der ýaqytynda engizbeıdi. Buǵan qosa memlekettik organdar memlekettik kiristiń qysqarýyna ne bolmasa artýyna túrtki bolatyn zań jobasy boınysha respýblıkalyq bıýdjettik komıssııaǵa qorytyndy da usynbaıdy.

«Úshinshi sebep - Qazaqstan Prezıdentiniń jylsaıynǵy Joldaýyndaǵy tapsyrmalarda, Konstıtýtsııalyq keńestik normatıvtik qaýlylarynda, Úkimet bekitken memlekettik baǵdarlamalar men baǵdarlamalarda jáne basqa da uıymdastyrý qujattarynda kózdelgen jobalardyń zań jobalaý jumystary josparynyń jobasyna qosý týraly aqparattyń bolmaýy», - dedi Z.Baımoldına.