Memlekettik organdardyń basshylary ázirge tıisti mindetterin atqara beredi - Prezıdent Jarlyǵy

ASTANA. QazAqparat - Aqordanyń saıtyna Qazaqstan Prezıdentine tikeleı baǵynatyn jáne esep beretin memlekettik organdardyń basshylary týraly Jarlyq shyqty, dep habarlaıdy QazAqparat.

«Qazaqstan Respýblıkasynyń Prezıdenti týraly» Konstıtýtsııalyq zańnyń 17-1-babynyń 1-tarmaǵyna sáıkes jańadan saılanǵan Qazaqstan Respýblıkasynyń Prezıdenti qyzmetine kirisken kezde Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organdardyń basshylary ókilettiginiń toqtatylýyna baılanysty QAÝLY ETEMІN:

1. Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organdardyń basshylary tıisti basshylar taǵaıyndalǵanǵa deıin óz mindetterin atqaratyn bolsyn.

2. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń Prezıdenti Q.Toqaev

Astana, Aqorda, 2022 jylǵy 26 qarasha, № 6», - dep jazylǵan Jarlyqta.

Aıta keteıik, buǵan deıin Astana ákimi Altaı Kólginov óz «otstavkasy» týraly pikir bildirgen bolatyn.

«Ózderińiz bilesizder, zańǵa sáıkes, Konstıtýtsııa boıynsha Prezıdent saılanǵannan keıin ákimderdiń bári de óz laýazymyn bosatady», - degen edi sheneýnik.