Memlekettik organdar jeke kýálik, dıplomdardy elektrondy túrde qabyldaýy tıis – Memleket basshysy
«Tsıfrlandyrý – bul sándi tendentsııa izimen júrý emes, ulttyq básekege qabilettikke qol jetkizýdiń basty tetigi. Eń aldymen tsıfrlyq teńsizdikti joıý, barlyq azamattyń ınternetke jáne sapaly baılanysqa qoljetimdiligin qamtamasyz etý qajet. Búginde bul - jol men elektr sııaqty bazalyq qajettilik. Áleýmettik az qamtylǵan otbasylardan shyqqan balalar kompıýterlik tehnıkamen jáne sapaly ınternetpen qamtamasyz etilýi tıis. Osy jyldyń sońyna deıin 250 adamnan kóp turǵyny bar árbir aýylǵa ınternet qoljetimdi bolady. Biz zeınetaqy jáne járdemaqy taǵaıyndaý barysynda adamdar qandaı problemalarmen betpe-bet kelip otyrǵanyn kórip júrmiz», - dedi Memleket basshysy.
QR Prezıdentiniń atap ótýinshe, bul protsesti tolyqtaı tsıfrlandyrý qajet.
«Jyldyń sońyna deıin barynsha suranysqa ıe anyqtamalar men qaǵaz kúıinde rastaýlardy alyp tastaýdy, aqparatty tsıfrlyq rastaýdy qamtamasyz etýdi tapsyramyn. Mekenjaı, múliktik jáne basqa da osyndaı anyqtamalarǵa qatysty qazirdiń ózinde oń tájirıbe bar. Jeke kýálik, dıplomdar, júrgizýshi kýáligi memlekettik organdarda elektrondy túrde qabyldanýy tıis», - dedi Qasym-Jomart Toqaev.