Memlekettik organdar men kvazımemlekettik sektordyń shyǵystary ońtaılandyrylatyn boldy

NUR-SULTAN. QazAqparat – Qarjy mınıstri Erulan Jamaýbaev ońtaılandyrý aıasynda memleket qaı baǵyttaǵy shyǵystardy qysqartatynyn aıtyp berdi, dep habarlaıdy QazAqparat tilshisi.

«2021-2023 jyldarǵa arnalǵan respýblıkalyq bıýdjetti qalyptastyrý kezinde memlekettik organdar men kvazımemlekettik sektordyń shyǵystary ońtaılandyrylatyn bolady», - dedi Erulan Jamaýbaev Úkimet otyrysynda.

Atap aıtqanda, myna shyǵystardy qysqartý kútilýde:

- issapar, ókildik shyǵyndardy, zattaı múlikpen, tamaqpen qamtamasyz etýdi jáne t. b. qysqartý;

- ınstıtýtsıonaldyq qaryzdar boıynsha shyǵystardy qysqartýmen olardyń tıimdiligin qaıta qaraý;

- kvazımemlekettik sektordyń jekelegen sýbektileriniń ózin-ózi barynsha aqtaýyna kóshý;

- bastalǵan jobalardy aıaqtaý mindetin sheshýdi eskere otyryp, barlyq salalarda shynaıy ınfraqurylymdyq josparlardy ázirleý;

- jergilikti bıýdjetterdiń shyǵystaryn ońtaılandyrý.