Memlekettik organdar BAQ-pen senimge negizdelgen baılanystardy qurýy tıis - Dáýren Abaev
«Atqarylatyn iske qatysty durys qatynastyń bolýy, osy rette óz isińniń kásibı mamany bolýy da óte mańyzdy. Biz qarqyndy ózgerister bolyp jatqan ýaqytta ómir súrýdemiz. Qazirgi zamanǵy tehnologııalardyń arqasynda búgingi kúnniń aqparattyq beınesi alýan túrli. Buqaralyq aqparat quraldary betterinde oqıǵalar jelisiniń keń shoǵyry kórinis tabýda, ıaǵnı bul turǵyda otandyq valıýta baǵymynan bastap, basqa jartyshardaǵy tabıǵı apatqa deıin qamtylady. Bizge barlyq aqparat qyzyqty jáne onyń barshasyn bilýimiz kerek»,-dep toqtaldy mınıstr.
Búginde nıýsmeıkerlerdiń sany da aıtarlyqtaı artqanyna toqtalǵan D. Abaev, áleýmettik jeliler men qoljetimdi gadjetterdiń arqasynda qyzyqty aqparattyq avtory retinde ınternettiń kez kelgen paıdalanýshysy bola alatynyn jetkizdi.
Sonymen qatar mınıstr halyqpen tıimdi kommýnıkatsııalardyń tetikterin udaıy jetildirip otyrý kerektigin aıta kele, «buǵan únemi Memleket basshysymyz nazar aýdarýda. Búginde memlekettik organdar kúndelikti halqymyzdyń ál-aýqatyn jaqsartýǵa negizdelgen strategııalyq baǵdarlamalardyń ondaǵan baǵyttaryn iske asyrýda. Alaıda, osyndaı jumystyń aqparattyq nátıjesin qanaǵattanarlyq dep aıtý qıyndaý»,-dedi.
Osy rette D. Abaev atqarylǵan jemisti jumystar tıisti deńgeıde jurtshylyqqa jetkizilýi qajet, búgingi aqparattyq shynaıylyqta barshasy tıimdi jumys isteý kerektigin atap ótti.
«Ol úshin memlekettik organdar sapaly, túsinikti jáne adamdar úshin qyzyqty aqparatty berýi tıis,sondaı - aq barynsha jedeldilik tanytyp, BAQ-pen senimge negizdelgen iskerlik baılanystardy qurý kerek»,-dedi mınıstr.
Atalǵan semınardy QR Aqparat jáne kommýnıkatsııalar mınıstrligi, QR Qarjy mınıstrligi uıymdastyryp otyr.
Sharaǵa memlekettik qurylymdardyń top-menedjerleri, bas redaktorlar, baspasóz qyzmetiniń jáne jýrnalıstik pýldyń ókilderi qatysýda. Semınar barysynda spıkerler retinde medıa-saladaǵy bedeldi adamdar men sarapshylar shaqyryldy.