Memlekettik organdar azamattardyń beıbit jınalystar ótkizýine kedergi keltirý quqyǵynan aıyryldy - sarapshy
«Elimizdiń qoǵamdyq-saıası protsesteriniń kezeń-kezeńimen damýy úshin beıbit jınalystar týraly zańnyń mańyzy óte úlken. Óıtkeni, azamattardyń saıası jáne áleýmettik protsesterdiń ishindegi túrli aspektilerge qatysty oı-pikirlerin erkin bildirýine jol ashylyp otyr», - dedi saıasattanýshy.
Onyń atap ótýinshe, búgin Memleket basshysy qol qoıǵan Beıbit jınalystar ótkizý tártibi týraly zańmen eń basty aspekt olardy ótkizýdiń anyq-qanyǵy aıqyndalyp otyr.
«ıAǵnı, memlekettik organdar nemese jeke tulǵalar azamattardyń Qazaqstan Respýblıkasynda beıbit jınalystar ótkizýine kedergi keltirýge quqyǵy bolmaıdy. Bul aspekt elimizde azamattardyń quqyqtarymen bostandyqtaryn qorǵaýdaǵy óte mańyzdy sát sanalady. Sonymen qatar beıbit jınalystar týraly zań mıtıng ótetin oryndy da aıqyndaıdy. Mundaı oryn qalanyń jáne eldi mekenniń ortalyq bóliginde bolýy tıis. Qazaqstan mıtıng pen beıbit jınalystar ótkizýdiń habarlandyrý júıesine kóship jatyr. Bul da barlyq halyqaralyq standarttarǵa saı keledi», - dedi Erlan Saırov.
Buǵan deıin Memleket basshysy «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» Qazaqstan Respýblıkasynyń Zańyna qol qoıǵanyn habarlaǵan edik.