Memlekettik operatorlar sanyn qysqartý usynyldy - Básekelestikti qorǵaý agenttigi

NUR-SULTAN. QazAqparat - Básekelestikti damytý jónindegi ulttyq joba ónim berýshiler men qyzmet usynýshylardy konkýrstyq negizde irikteýdi kózdeıdi. Sol memlekettik tapsyrystyń kólemin 25% azaıtý josparlanǵan. Bul týraly Básekelestikti qorǵaý jáne damytý agenttiginiń tóraǵasy Serik Jumanǵarın málim etti, dep habarlaıdy QazAqparat tilshisi.

Serik Jumanǵarın jeke tasymaldaýshylardyń temirjol naryǵyna engizilýin Básekelestikti damytý jónindegi ulttyq jobanyń jańashyldyǵy retinde atady.

«Qazirgi tańda «Qazaqstan temir joly» UK» AQ magıstraldyq temirjol jelisine jeke dara ıelenip otyr. Saladaǵy júk tasymalynyń negizgi úlesin (99%) ulttyq kompanııanyń enshiles kompanııasy «QTJ «Júk tasymaldary» JShS alyp otyr. Ótken jyldan bastap pılottyq joba aıasynda alǵash ret 2 jeke júk tasymaldaýshy jumysqa kiristi. Al kelesi jyldan bastap temirjolmen júk tasymaldaý quqyǵy konkýrstyq negizde oınatylyp, taǵy jańa oıynshylar keledi. Jobany iske asyrý arqyly jeke kompanııalardyń júk tasymalyndaǵy úlesin 30% jetkizýdi josparlap otyrmyz», - dedi agenttik tóraǵasy QazAqparat jýrnalısterimen kezdesýinde.

Serik Jumanǵarın ulttyq joba aıasynda «kommýnaldyq quldyq» problemasyn joıýǵa kúsh salatynyn atap ótti.

«Búginde halyq domofon, lıft qyzmetin paıdalaný, qoqys shyǵarý, televızııa, baılanys qyzmetterin tutyný kezinde tańdaý múmkindiginen aıyrylǵan. ıAǵnı bir qyzmetti usynatyn birneshe kompanııany kezdestirý ázirge qıyn. Barlyq jerde bir ǵana kompanııa qyzmet kórsetedi», - deıdi agenttik basshysy.

Sonymen qatar, ol agenttik memlekettik operatorlar men memlekettik tapsyrmalardyń sanyn qysqartý jáne kásipkerliktiń ár sektoryna memlekettiń kıligýin taldaý jóninde bastama kóteretinin aıtty.

«Memlekettik operatorlar sanyn qysqartý arqyly ekonomıkany monopolııasyzdandyrýǵa jol ashamyz. Bul bir jaǵynan memleket shyǵystaryn qysqartatyn shara. Kásipkerlikti damytýǵa da, tutynýshylarǵa da qolaıly jaǵdaı týar edi. Kvazımemlekettik sektor sýbektilerinen konkýrstan tys taýar satyp alýǵa múmkindik beretin memlekettik tapsyrmalardy qysqartý sharasy da óz áserin beredi» - dedi Serik Jumanǵarın.

ıAǵnı, ulttyq joba memlekettik tapsyrmalardyń sanyn keminde 25% qysqartyp, ónim berýshilerdi konkýrs arqyly irikteýdi qamtamasyz etýge baǵyttalmaq. Sonymen qatar, jekeshelendirý qarqynyn jedeldetý úshin ákimshilik-aýmaqtyq erekshelikti eskere otyryp, «sektorlyq tásildi» engizý usynylmaq.

«Ulttyq joba iske asyp bolǵan kezde shıkizat naryǵynda, elektr energetıkasy, kólik jáne baılanys salalarynda «negizgi qýatqa» teńdeı qol jetkizý múkindigi paıda bolyp, densaýlyq saqtaý, kólik, baılanys, agroónerkásiptik keshen, turǵyn úı-kommýnaldyq sharýashylyq salalarynda kedergiler azaıady dep topshylap otyrmyz.

Bizdiń oıymyzsha, dál búgin ulttyq joba ádil básekelestikti damytýǵa kedergi keltiretin túıinderdi tarqatyp, sonyń saldarynan týyndaıtyn problemalardy sheshetin bazalyq alań bolýy tıis», - dep túıindedi Serik Jumanǵarın.

Buǵan deıin habarlaǵanymyzdaı, Básekelestikti qorǵaý jáne damytý agenttiginiń tóraǵasy Qazaqstanda AI-92 markaly benzınniń baǵasy 170 teńgeden aspaıtynyn málimdegen bolatyn.