Memlekettik nysandardy jekeshelendirýdiń jańa krıterııleri bekitildi

ASTANA. QazAqparat – Básekelestikti arttyrýǵa baǵyttalǵan kásiporyndardy jekeshelendirý arqyly memlekettiń qatysýyn qysqartý jalǵasady. Bul týraly QR Ulttyq ekonomıka mınıstri Álibek Qýantyrov aıtty, dep habarlaıdy QazAqparat tilshisi.

Onyń aıtýynsha, mınıstrlik jekeshelendirý boıynsha Básekelestikti qorǵaý jáne damytý agenttigimen birlesip birqatar jumys atqarǵan.

«Bıylǵy aqpan aıynda jekeshelendirý tizbesin odan ári keńeıtý úshin aktıvterdi irikteý krıterııleri bekitildi. ıAǵnı, áldebir nysan kórsetilgen krıterıılerge sáıkes kelse, onda ol jekeshelendirýge jiberiledi», - dedi Ulttyq ekonomıka mınıstri Úkimettiń búgingi otyrysynda.

Budan basqa agenttiktiń mandatyn keńeıtý aıasynda jekeshelendirýdiń jańa eki krıterııi engizildi.

«Qazirgi kezde keshendi josparǵa 170-ten astam nysan qosyldy. Kásipkerlerdiń jekeshelendirý nysanyn tańdaý quqyǵy bekitildi. Nysan jeke bastama bolǵan jaǵdaıda satylýy múmkin. Bul rette, jekeshelendirý kezinde memleket múddelerin saqtaý maqsatynda strategııalyq uıymdardaǵy, máselen, «QazMunaıGaz», «Qazaqstan temir joly», «QazaqGaz» jáne taǵy da basqa kompanııalarynda baqylaý úlesin saqtaý, satyp alý-satý shartyn jasasqanǵa deıin qyzmetkerler shtatyn qysqartpaý erejeleri kózdelgen. Nysandar ýaqtyly satýǵa shyǵarylmaǵan jaǵdaıda laýazymdy tulǵalar tártiptik jaýapkershilikke tartylady», - deıdi Á. Qýantyrov.

Foto: t.me/KZgovernment