Memlekettik nagradalardyń ıegerleri anyqtaldy

ASTANA. QazAqparat - Elimizdiń Táýelsizdik kúni qarsańynda Qazaqstan Respýblıkasy Prezıdentiniń Jarlyǵymen eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi jáne belsendi qoǵamdyq qyzmeti úshin azamattardyń úlken bir toby memlekettik nagradalarmen marapattaldy.

Olardyń qatarynda óndiris, bıznes, bilim berý, densaýlyq saqtaý salalarynyń kórnekti ókilderi, áskerı qyzmetshiler, quqyq qorǵaý organdarynyń qyzmetkerleri, sportshylar, soǵys jáne eńbek ardagerleri, mádenıet jáne ǵylym qaıratkerleri bar. Bul týraly «Egemen Qazaqstan» basylymy jarııalady.

«Qazaqstannyń Eńbek Eri» ataǵy Qazaqstan Respýblıkasyn ekonomıkalyq, áleýmettik-gýmanıtarlyq damytýdaǵy asa úzdik jetistikteri úshin «Ulttyq neırohırýrgııa ortalyǵy» AQ basqarma tóraǵasy S.Q.Aqsholaqovqa jáne Qostanaı oblysynyń  «Qarasý» SÓK» JShS bas dırektory A.J.Tursynovqa berildi.

«Otan» ordenimen Astana qalasy «Stroıkonstrýktsııa» AQ prezıdenti V.D.Býller, І dárejeli «Barys» ordenimen - Prezıdent Ákimshiliginiń Basshysy Á.R.Jaqsybekov jáne Joǵarǵy sottyń Tóraǵasy Q.Á.Mámı, ІІ dárejeli «Barys» ordenimen - «Ulttyq shtattyq komandalar jáne sport rezervi dırektsııasy» RMQK nusqaýshy-sportshysy Z.R.Gabıdýllına, «Qazaqstan temir joly» UQ» AQ prezıdentiniń keńesshisi F.H.Galımov, «Qazaqstan Respýblıkasy Ulttyq ǵylym akademııasy» RQB prezıdenti M.Jurynov, Ulttyq qaýipsizdik komıtetiniń Tóraǵasy K.Q.Másimov, Qazaqstan Respýblıkasynyń Reseı Federatsııasyndaǵy Tótenshe jáne ókiletti elshisi M.M.Tájın, Prezıdent janyndaǵy Memlekettik basqarý akademııasynyń ınstıtýt dırektory Z.L.Fedotova, ІІІ dárejeli «Barys» ordenimen - jýrnalıst, qoǵam qaıratkeri A.Bekbosyn, Parlament Senaty Tóraǵasynyń orynbasary B.Á.Beknazarov, «Bazıs» holdıng kompanııasy» JShS dırektorlar keńesiniń tóraǵasy A.ıA.Belovıch, kompozıtor A.Qorazbaev, Qarjy mınıstrliginiń jaýapty hatshysy N.A.Korjova, «Nur Otan» partııasy Tóraǵasynyń birinshi orynbasary M.A.Qul-Muhammed, Ońtústik Qazaqstan oblysy «SAÝTS OIL» JShS prezıdenti S.Seıtjanov, Aqmola oblysy «Agrofırma «TNK» JShS bas dırektory B.T.Ýálıev, akademık T.Sharmanov, «Qazaqstan Halyq Banki» AQ basqarma tóraıymy Ú.B.Shaıahmetova jáne basqalar marapattalady.

Bir top belgili ǵalymdar men mádenıet, bilim qaıratkerleri, óndiristik sala ókilderiniń eńbegi «Parasat» ordenimen atap ótildi, olardyń arasynda «Turan» ýnıversıtetiniń rektory R.A.Alshanov, akter D.T.Ahımov, «Ulttyq óner» JShS dırektory T.N.Býrmıstrova, «Qazaqstan Alıýmınııi» AQ prezıdenti A.B.Esenjolov, jazýshy Q.Jıenbaı, «Kamerata Kazahstana» klassıkalyq mýzyka ansambli» RMKK dırektory G.K.Myrzabekova, Mańǵystaý oblysy «Senek» JShS dırektory Q.Naýryzmaǵanbetov, «Eýrazııalyq quqyq qorǵaý ortalyǵy» QQ prezıdenti E.N.Nurǵalıeva, Soltústik Qazaqstan oblysy «Taıynsha-Astyq» JShS bas dırektory A.B.Rafalskıı, Sáýletshiler odaǵynyń prezıdenti A.I.Rústembekov, M.Áýezov atyndaǵy Qazaq memlekettik akademııalyq drama teatrynyń ártisteri Q.Tastanbekov pen T.Tasybekova, aqyn S.Turǵynbekuly bar.

ІІ dárejeli «Dostyq» ordenine «Vaınah» Qaraǵandy oblysynyń cheshen-ıngýsh etnomádenı birlestigi» QB tóraǵasy Ý.H.Djanaev, Astana qalasy «Jastar teatry» MKQK kórkemdik jetek­shisi N.Jaqypbaı, «Qazaqstan Respýb­lıkasynyń Ulttyq ınjenerlik akademııasy» RQB prezıdenti B.T.Jumaǵulov, «Akýsherlik, gıne­kologııa jáne perınatologııa ǵylymı orta­lyǵy» RMK professory N.Á.Kaıýpova, «Mem­lekettik respýblıkalyq koreı mýzykalyq kome­dııa teatry» RMQK dırektory L.A.Nı, «S.Asfendııarov atyndaǵy Qazaq ulttyq medı­tsına ýnıversıteti» RMK professory K.S.Or­mantaev, ánshi R.Q.Rymbaeva, jazýshy R.Seı­senbaev, Mońǵolııanyń «Jerlester» qazaq qoǵam­dyq uıymy tóraǵasynyń orynbasary S.Táý­keıuly jáne basqalar ıe boldy.

«Qurmet» ordenimen marapattalǵandar qatarynda «L.N.Gýmılev atyndaǵy Eýrazııa  ulttyq ýnıversıteti» RMK professory Q.Alpysbaev, jazýshy J.Ahmadıev, Shyǵys Qazaqstan oblysy Semeı qalasy «№19 jalpy orta bilim berý mektebi» MM dırektory Á.S.Ahmerova, rejısser R.J.Ábdirashov, Almaty qalasy «aımaqtyq dıagnostıkalyq ortalyq» RMK rentgenolog-dárigeri M.S.Baıjanov, «Ertis sý joldary kásiporny» RMQK «Malaısary Tarhan» kemesiniń kezekti kapıtan-mehanıgi A.N.Bedrın, «Ulttyq ǵylymı kardıohırýrgııa ortalyǵy» AQ Basqarma tóraǵasynyń orynbasary M.S.Bekbosynova, «Qazanǵap atyndaǵy Qyzylorda mýzykalyq kolledji» MKQK dırektory K.Sh.Botabaev, Almaty oblysy «Dáýlet Beket» JShS bas dırektory S.Á.Dáýletov, Atyraý oblysy Eltaı aýyldyq okrýginiń ákimi E.J.Dúıshim, Batys Qazaqstan oblysy «Kırgenev» ShQ basshysy Q.E.Kırgenev, Aqtóbe qalasy «Oblystyq Dostyq Úıi» MKQK «Dostyq sazy» halyqtyq folklorlyq ansambliniń kórkemdik jetekshisi B.J.Zeınelov, shahmatshy D.R.Sádýaqasova, Jambyl oblystyq ardagerler keńesiniń tóraǵasy E.B.Soltybaev bar.

Ónerkásip, kólik, qurylys, aýyl sharýa­shy­lyǵy jáne basqa materıaldyq óndiris sala­larynyń 72 jumysshysy men eńbekkeri «Eńbek Dańqy» ordeniniń ıegerleri atandy.

«Qazaqstannyń eńbek sińirgen qaıratkeri» qurmetti ataǵy ǵylym, mádenıet jáne áleýmettik salanyń 53 kórnekti ókiline berildi. Qazaqstan Respýblıkasynyń Qurmet gramotasymen 539 adam nagradtaldy.

Áskerı jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etýde, eldiń ulttyq qaýipsizdigi men qorǵanys qabiletin nyǵaıtý kezinde kórsetken erligi men qajyrlylyǵy úshin áskerı qyzmetshiler men quqyq qorǵaý organdary ókilderiniń bir toby І jáne ІІ dárejeli «Dańq» ordenimen, І, ІІ jáne ІІІ dárejeli «Aıbyn» ordenimen, «Erligi úshin» jáne «Jaýyngerlik erligi úshin» medaldarymen marapattaldy.

Nagradtalǵandardyń tizimi jergilikti baspasózde jarııalanady.