Memlekettik múlikke taǵy da revızııa júrgiziledi
Premer-Mınıstr Álıhan Smaıylov Qarjy mınıstrliginiń alqa májilisinde osyndaı tapsyrma berdi.
«Úkimettiń aldynda ekonomıkadaǵy jeke sektordyń úlesin arttyrý mindeti tur. Bul máseleni sheshýdiń negizgi faktory Jekeshelendirýdiń keshendi josparyn ýaqtyly iske asyrý bolyp qala beredi. Bıyl jospardyń 90%-yn oryndaý qajet. Bul jumysta ótken jyldardyń tájirıbesin eskerip, jospardy tolyqtyrý úshin memlekettik múlikke revızııa júrgizý mańyzdy. Negizgi maqsat – memlekettiń ekonomıkadaǵy úlesin 14%-ke deıin qysqartý», - dedi Úkimet basshysy.
Sondaı-aq, memlekettik aktıvterdi basqarý jumystarynyń qorytyndysy Parlamentke tanystyrlatynyn eske saldy.
«Sondaı-aq, ekonomıkany demonopolızatsııalaý boıynsha da júıeli jumysty jalǵastyrý qajet.
Mınıstrlik Básekelestikti qorǵaý agenttigimen birlesip, monopolııalyq jaǵdaıyn paıdalanyp, básekelestiktiń damýyna kedergi keltiretin kompanııalardy anyqtaýy qajet.
Úkimettiń mindeti – bıyl shaǵyn jáne orta bızneste jumyspen qamtylǵandar sanyn 3,8 mln. adamǵa deıin jetkizý», - dedi Álıhan Smaıylov.