Memlekettik mekeme dırektory 5 mln teńge para almaq bolǵan

NUR-SULTAN. QazAqparat – QR Tótenshe jaǵdaılar komıtetiniń «Seldenqorǵaý Qurylys» respýblıkalyq memlekettik mekemesiniń dırektory para alýǵa árekettengeni úshin qamaýǵa alyndy. Bul týraly QazAqparat QR Sybaılas jemqorlyqqa qarsy is-qımyl agenttigine silteme jasap habarlaıdy.

Almaty qalasy boıynsha sybaılas jemqorlyqqa qarsy is-qımyl qyzmeti «Seldenqorǵaý Qurylys» RMK dırektoryna qatysty para alý áreketi boıynsha sotqa deıingi tergeýdi bastady. Ol kompanııa basshysynan respýblıkalyq mańyzdaǵy avtomobıl jolynyń boıynda jer telimine ornalastyrý boıynsha kórsetilgen qyzmet týraly anyqtama bergeni úshin 5 mln teńge kóleminde para almaq bolǵan degen kúdikke ilinip otyr.
«Kúdikti ustalyp, Almaty qalasynyń polıtsııa departamentine qarasty ýaqytsha ustaý ızolıatoryna qamaldy. Onyń kinásine qatysty túbegeıli úkimdi sot shyǵarady» delingen agenttiktiń aqparatynda.