Memlekettik qyzmetterdi vıdeoqońyraý arqyly alýǵa bolady

ASTANA. QazAqparat - «Azamattarǵa arnalǵan úkimet» memlekettik korporatsııasy CISCO kompanııasymen birge memlekettik qyzmetterdi qashyqtyqtan onlaın usyný jobasyn jasady, dep habarlaıdy QazAqparat.

Vedomstvo baspasóz qyzmetiniń málimetinshe, endi 20 memlekettik qyzmetti vıdeobaılanys arqyly alýǵa bolady. 

Jelilik tehnologııalar vıdeoqońyraý arqyly 1414 biryńǵaı baılanys ortalyǵyna habarlasyp, qyzmet alýǵa ótinim jasaýǵa múmkindik beredi. Osy joba arqyly birqatar aqparattyq anyqtamalarǵa - mekenjaı, sottylyqtyń bar-joǵy, zeınetaqy tólemderi, tirkelgen quqyqtar, jyljymaıtyn múliktiń bar-joǵy týraly jáne taǵy basqa da anyqtamalarǵa qol jetkizýge bolady. Sondaı-aq vıdeoqońyraý arqyly elektrondyq tsıfrlyq qoltańba (ETsQ) alýǵa ótinim berip, mobıldi azamattar bazasyna tirkelýge bolady. 

Pılottyq joba Astana qalasynda - Syǵanaq kóshesi, 29 úıde ornalasqan «Jılstroıbank» bóliminde, «Qazposhta» tsıfrlyq bólimderinde, Beıbitshilik kóshesi, 25 úıde ornalasqan jumyspen qamtý ortalyǵynda, sondaı-aq Almaty qalasyndaǵy «Mega park» saýda úıinde iske qosyldy. Jýyrda Máskeýdegi Qazaqstan Respýblıkasynyń elshiliginde jáne Astana LRT aýmaǵynda júzege asyrý josparlanýda. 

Qyzmetter tizimi:

1. BJZQ salymshysy qarajatynyń túsýi jáne qozǵalysy týraly aqparat berý
2. Turǵylyqty jerinen meken-jaı anyqtamalaryn berý
3. Bas Prokýratýranyń Quqyqtyq statıstıka jáne arnaıy esepke alý jónindegi komıtetiniń esepteri boıynsha málimet berý
4. MGOVta tirkelý
5. Jyljymaıtyn múlikke tirkelgen quqyqtar (aýyrtpalyqtardy) týraly anyqtama berý
6. Jyljymaıtyn múliktiń bolmaýy (bolýy) týraly anyqtama berý
7. Qazaqstan Respýblıkasy Ulttyq kýálandyrýshy ortalyǵynyń tirkeý kýálikterin berý jáne keri qaıtarý (ETsQ rastaý)
8. Jeke qosalqy sharýashylyqtyń bolýy týraly anyqtama berý
9. Tirkelgen zańdy tulǵa, fılıal nemese ókildik týraly anyqtama berý
10. Zańdy tulǵanyń basqa zańdy tulǵalarǵa qatysýy týraly anyqtama berý
11. Jeke tulǵanyń basqa zańdy tulǵalarǵa qatysýy týraly anyqtama berý
12. Zańdy tulǵany áreketsiz zańdy tulǵa dep nemese onyń qatysýshylaryn áreketsiz zańdy tulǵalarǵa qatysy bar dep taný týraly anyqtama berý
13. Zańdy tulǵanyń barlyq tirkelgen áreketteri týraly anyqtama berý
14. Kórsetilgen merzimge zańdy tulǵanyń tirkelgeni týraly anyqtama berý
15. Quryltaı qujattaryna sońǵy tolyqtyrýlar men ózgeristerdiń engizilgeni týraly anyqtama berý
16. Zańdy tulǵanyń úlesine salynǵan aýyrtpalyqtar (tyıym salý) týraly anyqtama berý
17. Zańdy tulǵalardy tirkeý (qaıta tirkeý) týraly, olardyń fılıaldary men ókildikterin eseptik tirkeý (qaıta tirkeý) týraly anyqtama berý
18. ETsQ alýǵa ótinim berý