Memlekettik qyzmettegi áıel basshylardyń úlesi qandaı

ASTANA. QazAqparat – Qazaqstanda memlekettik qyzmette qanshaı áıel laýazymǵa ıe? Bul týraly Ulttyq ekonomıka mınıstri Álibek Qýantyrov aıtyp berdi, dep habarlaıdy QazAqparat tilshisi.

«2010 jylǵy statıstıkaǵa sáıkes memlekettik qyzmettegi áıelderdiń úlesi 52,7 paıyzdy qurady. Ótken jyly kórsetkish 55,4 paıyzǵa jetti. Onyń ishinde 39,2 paıyzy basshylyq laýazymda», - dedi Álibek Qýantyrov Úkimet otyrysynda.

Mınıstrdiń aıtýynsha, saıası laýazymdarda 59 áıel eńbek etedi. Olardyń arasynda mınıstrler, agenttikterdiń, joǵary aýdıtorlyq palata jáne Konstıtýtsııalyq sottyń tóraǵalary, sondaı-aq oblys men qala ákimderiniń orynbasarlary bar.

«Shaǵyn jáne orta kásipkerliktegi áıelder úlesi 2011 jyly 38,4 paıyz bolsa, 2021 jyly 44,6 paıyzdy qurady. Sondaı-aq, elimizdegi kásiporyn basshylarynyń 30,8 paıyzy áıelder. Úkimet memleket qatysatyn kompanııalardyń basshy organdaryndǵy áıelderdiń úlesin 30 paıyzǵa deıin kezeń-kezeńimen arttyrý jóninde sharalar qabyldaýda», - dedi mınıstr.